Ik Kavita
kuchh pal ke uthale chintan se
kabhee janamatee hai ik kavitaa
varShon kavi ke antarman men
kabhee panapatee hai ik kavitaa

do nayanon men ban ashru-bind
kabhee chamakatee hai ik kavitaa
do adharon kee muskaan banee
kabhee Thumakatee hai ik kavitaa

soone bistar kee silavaTon men
kabhee sisakatee hai ik kavitaa
do baahon ke aalingan men
kabhee simaTatee hai ik kavitaa

poojaa ke shraddhaa sumanon see
kabhee mahakatee hai ik kavitaa
krodhaagni kee jvaalaa ban kar
kabhee dhadhakatee hai ik kavitaa

vaatsaly bharee, mamataamay see
kabhee chhalakatee hai ik kavitaa
aavesh eerShyaa dveSh bharee
kabhee uph़natee hai ik kavitaa

mere mat se utpann ho kar
mere bhaavon se nikhar sa(n)var
tere niShThur man tak bhee kyaa
kabhee pahu(n)chatee hai ik kavitaa ?
- Archana Gupta
Archana Gupta
Email : [email protected]

काव्यालय पर प्रकाशित: 1 Apr 2016

***
Archana Gupta
's other poems on Kaavyaalaya

 Ik Kavita
 Phir Man Mein Yah Kaisee Halchal
This Month
'Aaraam Se Bhaai Zindagee'
Bhawaniprasad Mishra


aaraam se bhaaee jindagee
jaraa aaraam se

tejee tumhaare pyaar kee bardaasht naheen hotee ab
itanaa kasakar kiyaa gayaa aaleengan
jaraa zyaadaa hai jarjar is shareer ko

..

Read and listen here...
This Month
'Chikane Lambe Kesh'
Bhawaniprasad Mishra


chikane lambe kesh
kaalee chamakeelee aa(n)khen
khilate hue phool ke jaisaa rang shareer kaa
phoolon hee jaisee sugandh shareer kee
samayon ke antaraal cheeratee hooee
adheerataa ichchhaa kee
..

Read and listen here...
This Month
'jabaḌe jeebh aur daa(n)t'
Bhawaniprasad Mishra


jabaḌe jeebh aur daa(n)t dil chhaatee aur aa(n)t
aur haath paa(n)v aur a(n)guliyaa(n) aur naak
aur aa(n)kh aur aa(n)kh kee putaliyaa(n)
tumhaaraa sab-kuchh jaa(n)chakar dekh liyaa gayaa hai
aur tum ja(n)ch naheen rahe ho
logon ko lagataa hai
jeevan jitanaa
nachaanaa chaahataa hai tumhen
tum utane nach naheen rahe ho

..

Read and listen here...
This Month
'Kuchh Naheen Hilaa Us din'
Bhawaniprasad Mishra


kuchh naheen hilaa us din
n pal n prahar n din n raat

sab nikShchal khaḌe rahe
taakate hooe aspataal ke parade
aur daravaaje aur khiḌakeeyaa(n)
aur aatee-jaatee laḌakiyaa(n)
jinhe main sisTar naheen kahanaa chaahataa thaa
..

Read and listen here...
Next post on
Friday 7 June

To receive an email notification
Subscribe
random post | poem sections: shilaadhaar yugavaaNee nav-kusum kaavya-setu | pratidhwani | kaavya-lekh
submission | contact us | about us

a  MANASKRITI  website