jeevan kabhee soonaa n ho
kuchh main kahoo(n), kuchh tum kaho.
tumane mujhe apanaa liyaa
yah to baḌaa achchhaa kiyaa
jis saty se main door thaa
vah paas tumane laa diyaa
ab zindgee kee dhaar men
kuchh main bahoo(n), kuchh tum baho.
jisakaa hRday sundar naheen
mere lie patthar vahee.
mujhako naee gati chaahie
jaise mile vaise sahee.
meree pragati kee saa(n)s men
kuchh main rahoo(n) kuchh tum raho.
mujhako baḌaa saa kaam do
chaahe n kuchh aaraam do
lekin jahaa(n) thakakar giroo(n)
mujhako vaheen tum thaam lo.
girate hue insaan ko
kuchh main gahoo(n) kuchh tum gaho.
sansaar meraa meet hai
saundary meraa geet hai
mainne abhee tak samajhaa naheen
kyaa haar hai kyaa jeet hai
dukh-sukh mujhe jo bhee mile
kuchh main sahoon kuchh tum saho.
-
Ramanath Awasthi
