Hal Saral Ho Jaataa Hai
baḌe baḌe mOl,
beljiyam glaas se sajaa shoroom, alTraa mODarn laaiTs
paa(n)v phisalaate itaalavee pharsh
shokes par lambe lambe silkan gaaun pahanee goree makhamalee baalaaen ...
ki chhoo lene se kaheen mailee n ho jaayen.
so raheen hai, chupachaap ...

abhee tak...

chakaachaundh baazaar men
yah kyaa sust, murajhaayeen raunaken ?

pul ke neeche bahatee nadee... praay niShpraaN...
naheen, naheen
mRtyu ho chukee thee balki.

saḌake, flyover -- tamaam supar injeeniyaring ke baavajood,
nistej ...

intajaar karateen basen, maayoos seelee seeTen
kaal baisaakhee havaa ke thapeḌo se kuchh khiḌakiyon kee kaanch rudaalee kar raheen hai ...

paTariyon par khaḌee kataar bandh injine, Trenen
andar jhoolate parde kursiyaa(n)
uf n jaane, aapas men kyaa baat karate rahate ?

skool, kOlej kee aatmaa to deevaaron se chipak kar ro chukee theen
utanee baar,
jitanee baar pRthvee par jhaḌ kar girate peelen patte

phoolon kee kyaariyaa(n) mausam ko rok kar aa raheen theen
ki
abhee , jaanaa mat ...
bachche ...
bachche aate hee honge !!

blaikaborD par likhaa huaa alajebraa kaa vah hal
is baat kaa dyotak
ki
kaThin samasyaaon kaa hal saral ho jaataa hai.
- Nivedita Dinkar

काव्यालय को प्राप्त: 21 Apr 2020. काव्यालय पर प्रकाशित: 24 Apr 2020

***
Nivedita Dinkar
's other poems on Kaavyaalaya

 Khi Khi Khi Khi
 Hal Saral Ho Jaataa Hai
This Month :
'Samay Banaa Hai Yaadon'
Suman Shukla


aaj huaa man ko vishvaas
samay banaa hai yaadon se
yaaden banatee bhool bhool kar
tum kyaa is ko sveekaaroge?
..

Read and listen here...
This Month :
'Kaisaa Parivartan'
Abha Saxena


prakRti maun ho dekh rahee hai
aaj samay kaa parivartan
mRtyu khelatee hai aangan men
karatee hai bheeShaN nartan.

jhanjhaavaato(n) men manuShy kaa
saahas sanbal TooT gayaa
bhool gayaa sab khel anokhe
bhool gayaa poojaa archan.

..

Read and listen here...
This Month :

'Samarpit Satya Samarpit Swapna - Amrit Khare Sameekshaa'
Amrit Khare


Book review by distinguished poet Amrit Khare on the book Samarpit Satya Samarpit Swapna ..

Read and listen here...
This Month :

'Samarpit Satya Samarpit Swapna'
Vinod Tewary


Vinod Tewary's book of poems
Kaavyaalaya's first book publication
with artwork by Vani Murarka
..

Read and listen here...
random post | poem sections: shilaadhaar yugavaaNee nav-kusum kaavya-setu | pratidhwani | kaavya-lekh
submission | contact us | about us

a  MANASKRITI  website