Gend Aur Sooraj

bachchon kee ek duniyaa hai,
jisamen ek gend hai
aur ek sooraj bhee hai.
sooraj ke Dhalate hee
ruk jaataa hai unakaa khel
aur tab bhee
jab gend chalee jaatee hai
ankal kee chhat par.

ankal kee duniyaa men hai
Teevee aur akhabaar,
bhay aur shak kaa sansaar.
in sab se bekhabar
bachche lage rahate hain lagaataar
dete hain unhen aavaazen baar-baar.
aakhirakaar,
jaate hain ve rimoT chhoḌ, oopar,
chhat kaa daravaajaa khol
dete hain gend chhat se phenkakar.

sochatee hoo(n) roz yah nazaaraa dekh -
aatee rahe yah gend
isee tarah, har din chhat par.
kabhee to kisee din
ve khud chale aaenge utarakar
gend ke saath zameen par
bachchon vaalee duniyaa men,
jahaa(n) ek gend hai
aur ek sooraj bhee hai.

Topic: