Ho Gayi Hai Peer Parvat See
ho gaee hai peer parvat-see pighalanee chaahie,
is himaalay se koee gangaa nikalanee chaahie.

aaj yah deevaar, paradon kee tarah hilane lagee,
shart lekin thee ki ye buniyaad hilanee chaahie.

har saḌak par, har galee men, har nagar, har gaa(n)v men,
haath laharaate hue har laash chalanee chaahie.

sirph hangaamaa khaḌaa karanaa meraa makasad naheen,
saaree koshish hai ki ye soorat badalanee chaahie.

mere seene men naheen to tere seene men sahee,
ho kaheen bhee aag, lekin aag jalanee chaahie.
- Dushyant Kumar
Recited by: Vinod Tewary
Ref. : Saaye mein Dhhoop: Dushyant Kuman Ki Ghazalon Ka Sangrah
Pub. : Radhakrishna Prakashan

***
Dushyant Kumar
's other poems on Kaavyaalaya

 Is Nadi Kee Dhaar Mein Thandee Hawaa Aatee To Hai
 Ek Aashirvaad
 Ho Gayi Hai Peer Parvat See
This Month
'Geet Koyee Kasamasaataa'
Anita Nihalani


neel nabh ke paar koee
mand svar men gunagunaataa,
rooh kee gaharaaiyon men
geet koee kasamasaataa!

nirjharon saa kab bahegaa
sang Khushaboo ke uḌegaa,
jangalon kaa maun neerav
baarishon kee dhun bharegaa!

..

Read and listen here...
This Month
'Suprabhaat'
Prabhakar Shukla


nayan kaa nayan se, naman ho rahaa hai
lo uShaa kaa aagaman ho rahaa hai
parat par parat, chaandanee kaT rahee hai
tabhee to nishaa kaa, gaman ho rahaa hai
kShitij par abhee bhee hain, alasaaye sapane
palak khol kar bhee, shayan ho rahaa hai
jharokhon se praachee kee pahalee kiraN kaa
lahar se pratham aachaman ho rahaa hai
hain nahalaa raheen, har kalee ko tuShaaren
lagan poorv kitanaa jatan ho rahaa hai
vahee shaakh par pakShiyon kaa hai kalarav
prabhaateesaa lekin, sahan ho rahaa hai
baḌhee jaa rahee jis tarah se aruNimaa
hai lagataa kaheen par havan ho rahaa hai
madhur mukt aabhaa, sugandhit pavan hai
naye din kaa kaisaa sRjan ho rahaa hai.
..

Read and listen here...
Next post on
Friday 26 July

To receive an email notification
Subscribe
random post | poem sections: shilaadhaar yugavaaNee nav-kusum kaavya-setu | pratidhwani | kaavya-lekh
submission | contact us | about us

a  MANASKRITI  website