Vo Havaa Vaheen Thaharee Hai

vo havaa vaheen Thaharee hai abhee tak
aur chhootee hai roj
lagabhag rok letee huee see
jab gujarane lagataa hoo(n) vahaa(n) se
jahaa(n) us din gujarate phon aa gayaa thaa tumhaaraa
aur thoḌee der ke lie aas paas
champaa ke phool khil aaye the
apanee saa(n)son men sameTate hue
kaee saa haraa rang oḌh liyaa thaa dharatee ne
aur konpalen nikal aaee theen Daaliyon men

jo praaN ko suhaanaa kar detaa hai
lipe hue aa(n)gan saa
aur naye puaal se saje ghar saa
jo juganuon se paaT detaa hai aakaash ko
aur doobon se bhor
baunaa karake kalah saaraa
khushaboo ke is Thaharaav aur
rangon ke aise ruk jaane ke lie
havaa ke aise ThiThak jaane aur
rachanaa kee khilakhilaahaT ke lie
tumhen, mujhe
aur duniyaa ke tamaam logon ko
pyaar karate rahanaa chaahiye