Receive exquisite poems.
Raashtra Vasant

pikee pukaaratee rahee, pukaarate dharaa-gagan;
magar kaheen ruke naheen vasant ke chapal charaN.

asankhy kaa(n)pate nayan liye vipin huaa vikal;
asankhy baahu hain vikal, ki praaN hain rahe machal;
asankhy kanTh kholakar 'kuhoo kuhoo' pukaaratee;
viyoginee vasant kee digant ko nihaaratee.

viyog kaa anal svayan vikal huaa nidaagh ban;
magar kaheen ruke naheen vasant ke chapal charaN.

vasant ek doot hai, viraam jaanataa naheen,
pukaar praaN kee sunaa gayaa, kaheen pataa naheen;
vasant ek veg hai, vasant ek gaan hai.
jagat-saroj men sugandh kaa madir vihaan hai.

ki preeti ke paraag kaa vasant ek jaagaraN,
kabhee kaheen ruke naheen vasant ke chapal charaN.

vasant kee pukaar hai- 'dharaa suhaaginee rahe,
prabhaa suhaasinee rahe, kalee suvaasinee rahe;
ki jeerN-sheerN vishv kaa hRday sadaa taruN rahe;
hareetimaa miTe naheen, kapol chir aruN rahen.

ki janm ke suhaas kaa ruke naheen kaheen sRjan,
iseelie vikal sadaa vasant ke chapal charaN.

shishir-sameer se kabhee vasant hai galaa naheen;
nidaagh-daah se kabhee Daraa naheen, jalaa naheen;
vinaash-panth par pathik basant hai ajar-amar;
naveen kalpanaa, naveen saadhanaa, naveen svar .

ki pallavit naveen janm paa rahaa sadaa maraN;
naveen chhand rach rahe vasant ke chapal charaN.
- Ram Dayal Pandey
Recited by: Shankar Muni Rai

काव्यालय पर प्रकाशित: 16 Feb 2024

***
Donate
A peaceful house of the beauty and solace of Hindi poetry, free from the noise of advertisements... to keep Kaavyaalaya like this, please donate.

₹ 500
₹ 250
Another Amount
This Month :
'Amaratva (Immortality)'
Clare Harner


kabr pe meree bahaa naa aa(n)soo
hoo(n) vahaa(n) naheen main, soee naa hoo(n).

jhonke hajaaron havaaon kee main
chamak heeron-see himakaNon kee main
sharad kee giratee phuhaaron men hoo(n)
phasalon par paḌatee ...
..

Read and listen here...
This Month :
'Phoolon Waalaa Ped'
Dhruv Gupt


main mar gayaa to peḌ banoongaa
phoolon vaalaa ek vishaal peḌ
tum kabhee thak jaao to
kuchh der aakar baiThanaa usake neeche
main jharoongaa tumapar
phoolon kee tarah
dhoop kee tarah
..

Read and listen here...
This Month :
'Jab Ped Ukhadtaa HAI'
Jacinta Kerketta


jangal se gujarate hue usane
oak ke peD़ kee pattiyon ko choomaa
jaise apanee maa(n) kee hatheliyon ko choomaa
kahaa - yah meree maa(n) kaa haath pakaD़kar baD़aa huaa hai
isake paas aaj bhee usakaa sparsh hai
jangal kaa haath pakaḌakar
mere ...
..

Read and listen here...
random post | poem sections: shilaadhaar yugavaaNee nav-kusum kaavya-setu | pratidhwani | kaavya-lekh
contact us | about us
Donate

a  MANASKRITI  website