Thukraado Yaa Pyaar Karo

dev! tumhaare kaee upaasak kaee Dhang se aate hain.
sevaa men bahumuly bhenT ve kaee rang kee laate hain..

dhoomadhaam se saajabaaj se ve mandir men aate hain.
muktaamaNi bahumuly vastuain laakar tumhen chaḌhaate hain..

main hee hoo(n) gareebinee aisee jo kuchh saath naheen laayee.
phir bhee saahas kar mandir men poojaa karane ko aayee..

dhoop-deep-naivedy naheen hai jhaankee kaa shrRngaar naheen.
haay! gale men pahanaane ko phoolon kaa bhee haar naheen..

kaise karoo(n) keertan, mere svar men hai maadhury naheen.
man kaa bhaav prakaT karane ko vaaNee men chaatury naheen..

naheen daan hai, naheen dakShiNaa khaalee haath chalee aayee.
poojaa kee vidhi naheen jaanatee, phir bhee naath! chalee aayee..

poojaa aur pujaapaa prabhuvar! isee pujaarin ko samajho.
daan-dakShiNaa aur nichhaavar isee bhikhaarin ko samajho..

main unamatt prem kee pyaasee hRday dikhaane aayee hoo(n).
jo kuchh hai, vah yahee paas hai, ise chaḌhaane aayee hoo(n)..

charaNon par arpit hai, isako chaaho to sveekaar karo.
yah to vastu tumhaaree hee hai Thukaraa do yaa pyaar karo..

Topic: