bhagn ur kee kaamanaa ke deep,
tum, kar men liye,
maun, nimantraN, viSham, kis saadh men ho baa(n)Tatee?
hai prajvalit deep, uddeepit karon pe,
nain men asuvan jhaḌee!
hai maun, hoThon par prakampit,
naachatee, jvaalaa khaḌee!
bahaa do antim nishaanee, jal ke andhere paaT pe,
' smRtideep ' ban kar bahegee, yaatanaa, bichhuḌe svajan kee!
ek deep gangaa pe bahegaa,
royengee, aa(n)khen tumhaaree.
dhup a(n)dhakaararaatri kaa tamas.
pukaarataa pyaar meraa tujhe, maraN ke us paar se!
bahaa do, bahaa do deep ko
jal rahee komal hathelee!
haa priyaa! yah raatrivelaa au
soonaa neeravasaa nadee taT!
naachatee lau men dhool milengee,
preet kee baaten hamaaree!
-
Lavanya Shah
