Samarpan

tarjanee
ek ahankaaree u(n)galee
jab uThatee hai
to lagaatee hai laanchhan
yaa phailaatee hai dahashat
par jab jhuk kar
ho jaatee hai samarpit
a(n)gooThe par
to ban jaatee hai moorat
gyaan kee, sammaan kee.

madhyamaa
ek saansaarik u(n)galee
jab uThatee hai
to uD़aatee hai upahaas yaa
darshaatee hai parihaas
par jab jhuk kar
ho jaatee hai samarpit
a(n)gooThe par
to ban jaatee hai moorat
dhyaan kee, varadaan kee.

anaamikaa
ek anuraagee u(n)galee
jab uThatee hai to
jhukatee hain palaken preyasee kee
aur banatee setu do satvo kaa
par jab jhuk kar hotee hai
samarpit a(n)gooThe par
to ban jaatee hai moorat
utthaan kee, nirvaaN kee.

kaniShThaa
ek chhoTee see u(n)galee
jisake uThane se yaa
n uThane se
naheen ph़rk़ paD़taa
havan men yaa anuShThaan men
par jab jhuk kar hotee hai
samarpit a(n)gooThe par
to ban jaatee hai moorat
sangyaan lie vidvaan kee.

aadamee
mukuT dhaaree yaa bhikhaaree
bhayabheet yaa damanakaaree
jab bhee jhuk kar
hotaa hai samarpit
prabhu ke charaNon men
to ban jaataa hai moorat
insaan kee yaa bhagavaan kee.