Rang Aur Main - Asha Jaiswal. काव्यालय| Kaavyaalaya: House of Hindi Poetry

baD़e niraale hote hain,
jeevan ke ye rang.
kabhee uShaa kee laalimaa
ban kar man men
aashaaon ke kamal
khilaa jaate hain
to kabhee
niraashaa kee syaahee men
sab Dubaa Daalate hain.
kis rang kee
charchaa karoo(n) main ?
vah jo taruNaaee men
prem kee raktim aabhaa banakar
lubhaataa rahaa
athavaa vah
jo sukhee parivaar
kee hariyaalee men man ko
paritRpt karataa rahaa?
rang-birangee us bagiyaa men
kab patajhaḌ aayaa,
pataa hee naheen chalaa.
saare rang vileen ho gaye
shoony men
aur tabhee prakaT huaa
ek shubhr aalok,
kaanon men goonjaa
anahad naad, onkaar kaa,
saty ke pavitr shvet rang men
samaa gae
jeevan ke sabhee rang
aur man Doob gayaa
brahmaanand ke saagar men!!

- Asha Jaiswal
Recited by: Nupur Ashok

Donate
A peaceful house of the beauty and solace of Hindi poetry, free from the noise of advertisements... to keep Kaavyaalaya like this, please donate.

₹ 500

₹ 250

Another Amount

This Month :
'Rang'
Geeta Dubey

tumhaare paas bahut se rang hain
dostee, pyaar, ikaraar,
ummeedon aur khushiyon ke.
sapanon kaa to rang-birangaa
chandovaa hee taan diyaa hai tumane.
nishchhal muskaan kaa ... ..

Read more here...

This Month :
'Gale Milte Rang'
Vinod Das

aahlaad men Doobe rang khilakhilaa rahe hain

itane rang hain
ki phool bhee churaa rahe hain rang
aaj titaliyon ke lie

gale mil rahe hain rang

jab milataa hai gale ek rang
doosare rang se
badal jaataa hai usakaa rang
kuchh pahale se
jaise kuchh badal jaataa hai aadamee
doosare aadamee se milane ke baad

kitane rang hain jeevan ke
kyaa ph़rk़ kar sakate ho tum
gulaal aur rudhir kee laalimaa men

nikal aae hain ghonsale se baahar log
aasamaan hotaa jaa rahaa hai laal

ek naaTaa laD़kaa achaanak
phenkataa hai uchak kar rang kaa gubbaaraa
bheeg jaatee hai iraph़aan chachaa kee daaDh़ee
iraph़aan chachaa khil ..

Read more here...