Pyaar Gangaa Kee Dhaar
rajanee jag ko sulaaye
sahe timir kaa vaar
nabh khush ho pahanaaye
chaand-taaron kaa haar

ban ke khud aainaa rahaa roop ko nikhaar
pyaar gangaa kee dhaar

bhookh sah kar bhee maan
dard se jaar-jaar
tRpt kar de shishu ko
kaisee khush ho apaar

bhar ke baanhon men vah kare asunvan sanchaar
pyaar gangaa kee dhaar

bhakt sahate gaye
duShT daityon kee maar
kiyaa jagajananee ne
raakShason par prahaar

maa(n) kee leelee kahe karuNaa jeevan kaa saar
pyaar gangaa kee dhaar

prakRti maan kaa roop
jhele jagati kaa bhaar
laalachee nar kare
daasee jaisaa vyavahaar

chhed naa kar moorakh jabaki naiyaa manjhadaar
pyaar gangaa kee dhaar

krodh mad lobh se
huaa jeevan duShvaar
kaam se nikalaa prem -
puShp ke ras kaa taar

baandh kar le gayaa svaarth-lipsaa ke paar
pyaar gangaa kee dhaar.
- Harihar Jha
Harihar Jha
email: [email protected]
Harihar Jha
email: [email protected]

***
This Month

'Kaavyaalaya Statistics - June 2018 to June 2019'


..

Read and listen here...
Next post on
Friday 23 August

To receive an email notification
Subscribe
random post | poem sections: shilaadhaar yugavaaNee nav-kusum kaavya-setu | pratidhwani | kaavya-lekh
submission | contact us | about us

a  MANASKRITI  website