Receive exquisite poems.
Maa Kah Ek Kahaanee
"maa(n) kah ek kahaanee."
"beTaa samajh liyaa kyaa toone mujhako apanee naanee?"
"kahatee hai mujhase yah cheTee, too meree naanee kee beTee
kah maa(n) kah leTee hee leTee, raajaa thaa yaa raanee?
maa(n) kah ek kahaanee."


"too hai haThee, maanadhan mere, sun upavan men baḌe savere,
taat bhramaN karate the tere, jahaa(n) surabhi manamaanee."
"jahaa(n) surabhi manamaanee! haa(n) maa(n) yahee kahaanee."

"varN varN ke phool khile the, jhalamal kar himabindu jhile the,
halake jhonke hile mile the, laharaataa thaa paanee."
"laharaataa thaa paanee, haa(n) haa(n) yahee kahaanee."

"gaate the khag kal kal svar se, sahasaa ek ha(n)s oopar se,
giraa biddh hokar khar shar se, huee pakShee kee haanee."
"huee pakShee kee haanee? karuNaa bharee kahaanee!"

"chaunk unhonne use uThaayaa, nayaa janm saa usane paayaa,
itane men aakheTak aayaa, lakSh siddhi kaa maanee."
"lakSh siddhi kaa maanee! komal kaThin kahaanee."

"maa(n)gaa usane aahat pakShee, tere taat kintu the rakShee,
tab usane jo thaa khagabhakShee, haTh karane kee Thaanee."
"haTh karane kee Thaanee! ab baḌh chalee kahaanee."

"huaa vivaad saday nirday men, ubhay aagrahee the svaviShay men,
gayee baat tab nyaayaalay men, sunee sab ne jaanee."
"sunee sab ne jaanee! vyaapak huee kahaanee."

raahul too nirNay kar isakaa, nyaay pakSh letaa hai kisakaa?"
kah do nirbhay jay ho jisakaa, sun loo(n) teree vaaNee"
"maa(n) meree kyaa baanee? main sun rahaa kahaanee.

koee niraparaadh ko maare to kyon n any use ubaare?
rakShak par bhakShak ko vaare, nyaay dayaa kaa daanee."

"nyaay dayaa kaa daanee! toone guNee kahaanee."
- Maithilisharan Gupt
Topic:
Children's poem (10)
Buddha (2)

***
Donate
A peaceful house of the beauty and solace of Hindi poetry, free from the noise of advertisements... to keep Kaavyaalaya like this, please donate.

₹ 500
₹ 250
Another Amount
Maithilisharan Gupt
's other poems on Kaavyaalaya

 Maa Kah Ek Kahaanee
 Sakhi, Ve Mujhse Kahkar Jaate
This Month :
'Nav Oorjaa Raag'
Bhawna Saxena


naa ab talavaaren, naa Dhaal kee baat hai,
yuddh smaarT hai, takaneek kee saugaat hai.
Dron gagan men, signal j़meen par,
saaibar kamaanD hai ab sabase oopar.

suno javaanon! ye DijiTal raN hai,
mastiShk aur masheen kaa yah sangam hai.
koD hathiyaar hai aur DeTaa ... ..

Read and listen here...
This Month :
'Darwaaze Mein Bachaa Man'
Gajendra Singh


bheegaa baarish men daravaajaa chaukhaT se kuchh jhool gayaa hai.
kabhee peḌ thaa, ye daravaajaa saty ye shaayad bhool gayaa hai.

naye-naye pad chinh naapataa khaḌaa huaa hai sahamaa-sahamaa.
kabhee banaa thaa peḌ suhaanaa dhoop-chhaa(n)v paa lamahaa-lamahaa.
chaukhaT men ab jaḌaa huaa hai ek jagah par khaḌaa huaa hai,
kabhee Thikaanaa thaa vihagon kaa aaj ...

..

Read and listen here...
random post | poem sections: shilaadhaar yugavaaNee nav-kusum kaavya-setu | pratidhwani | kaavya-lekh
contact us | about us
Donate

a  MANASKRITI  website