Geet Kavi Ki Vyatha - 2 - Kishan Saroj. काव्यालय| Kaavyaalaya: House of Hindi Poetry

Geet Kavi Ki Vyatha - 2

is geet-kavi ko kyaa huaa?
ab gunagunaataa tak naheen.

isane rache jo geet
jag ne patrikaaon
men paḌhe.
mukharit hue
to bhajan-jaise
anaginat hoThon chaḌhe.

honThon chaḌhe, ve man-bindhe
ab geet gaataa tak naheen.

anuraag, raag
viraag par sau
vyang-shar isane sahe.
jab-jab hue
geele nayan tab-tab
lagaaye kahakahe.

vah aTTahaason kaa dhanee
ab muskuraataa tak naheen.

melon tamaashon men
lie isako phiree
aavaaragee.
kuchh DhoonDhatee-see
dRShTi men har shaam
madhushaalaa jagee.

ab bheeḌ dikhatee hai jidhar
us or jaataa tak naheen.

- Kishan Saroj

Poet's Address: 32, Azadpuram, near Hartman College, Bareili - 243122
Ref: Naye Purane, April,1998 Hospital Colony Mohangunj, Tiloi Raibareili (U.P.) - 229 309

Donate
A peaceful house of the beauty and solace of Hindi poetry, free from the noise of advertisements... to keep Kaavyaalaya like this, please donate.

₹ 500

₹ 250

Another Amount

Kishan Saroj
's other poems on Kaavyaalaya

Geet Kavi Ki Vyatha - 1

Geet Kavi Ki Vyatha - 2

This Month :
'Ant'
Divya Omkari 'Garima'

jhar-jhar bahate netron se,
kaun saa saty bahaa hogaa?
vo saty banaa aakhir paanee,
jo kaheen naheen kahaa hogaa.

jhalakatee see bechainee ko,
kitanaa dhikkaar milaa hogaa?
baad men soche hai insaan,
pahale andhaa-baharaa hogaa.

talaash kare yaa aas kare,
kis par vishvaas zaraa hogaa?
kitanaa gaharaa hogaa vo dukh,
mRtyu se jo Dhakaa hogaa.

hokar nam phir band ho gaeen,
aa(n)khon ne kyaa sahaa hogaa?
ho jisakaa kShaN-kShaN mRtyu,
ye jeevan deergh lagaa hogaa.

jo maun huaa sah-sahakar maun,
us maun kaa bhed kyaa hogaa?
n gyaat kisee ko bhed vo ab,
vo bhed jo saath gayaa hogaa.

kuchh sheSh naheen isake pashchaat,
Read and listen here...

random post | poem sections: shilaadhaar yugavaaNee nav-kusum kaavya-setu | pratidhwani | kaavya-lekh
contact us | about us
Donate