Geet Kavi Ki Vyatha - 1
o lekhanee! vishraam kar
ab aur yaatraayen naheen.
mangal kalash par
kaavy ke ab shabd
ke svastik n rach.
akSham sameekShaayen
parakh sakateen n
kavi kaa jhooTh-sach.
likh mat gulaabee panktiyaa(n)
gin chhand, maatraayen naheen.
bandee andhere
kakSh men anubhooti kee
shilpaa chhuan.
vaadon-vivaadon men
ghiraa saahity kaa
shikShaa sadan.
anagin pravaktaa hain yahaa(n)
bas, chhaatr-chhaatraayen naheen.
-
Kishan Saroj
Poet's Address: 32, Azadpuram, near Hartman College, Bareili
- 243122
Ref: Naye Purane, April,1998
Hospital Colony Mohangunj, Tiloi
Raibareili (U.P.) - 229 309
This Month :
'News Channel '
Priyadarshan
yahaa(n) traasadiyaa(n)
prahasan men badalee jaatee hain,
bhaaShaa tamaashe men
aur log kaThaputaliyon men.
tabaahiyon kee khuraak
isakaa peT bharatee hai.
bahut manoyog se
kiyaa jaataa hai
..
Read and listen here...
This Month :
'Ram Kee Jal Samaadhi'
Bhaarat Bhooshan
pashchim men Dhalakaa soory uThaa vanshaj sarayoo kee retee se,
haaraa-haaraa, reetaa-reetaa, niःshabd dharaa, niःshabd vyom,
niःshabd adhar par rom-rom thaa Ter rahaa seetaa-seetaa.
kisalie rahe ab ye shareer, ye anaathaman kisalie rahe,
dharatee ko main kisalie sahoo(n), dharatee mujhako kisalie sahe.
too kahaa(n) kho gaee vaidehee, vaidehee too kho gaee kahaa(n),
..
Read and listen here...
