Anokhaa Rishtaa
arase pahale mile the
do ajanabee
ek doosare se --
kitane anjaan se the
kitane Dare Dare the.
nibhegee ki naheen nibhegee,
tum sang zindagee kaisee kaTegee?
anaginat se savaal the,
hazaaron kautoohal the,
phir bhee ham chal paḌe saath saath
zindagee kee Dagar par
liye haathon men haath.
kabhee ulajhe, kabhee rooTh gaye,
kabhee pyaar men Doob gaye
kuchh tum hamen samajhe,
kuchh ham tumhe samajhe
kuchh ham badale, kuchh tum badale
haule haule hee sahee
ek Dor men bandhe.
phir jo chale
chalate hee gaye
jaise kabhee alag n the
jaise kabhee alag n honge.

jindagee kee shaam hai,
uThane lagaa ye savaal hai --
tum pahale yaa main pahale?
tum n rahe to akele kaise jienge?
ham n rahe to akele kaise jeeoge?
kaisaa rishtaa hai ye
pati aur patnee kaa
kitanaa aTooT
kitanaa anokhaa
kitanaa dRḌh
kitanaa sachchaa
kitanaa madhur.
samay ke saath
jo aur baDhataa hai
aur panapataa hai.
jyon jyon doosare sabhee rishte
door hote jaate hain
pati patnee aur bhee kareeb hote jaate hain.
rishtaa aur majaboot hotaa jaataa hai
vaise hee jaise
raat ke baḌhane pe
chaand nikharataa jaataa hai.
- Virendra Jain

काव्यालय को प्राप्त: 18 May 2020. काव्यालय पर प्रकाशित: 18 Dec 2020

***
Virendra Jain
's other poems on Kaavyaalaya

 Anokhaa Rishtaa
 Itnaa Akele?
This Month :
'Gend Aur Sooraj'
Nupur Ashok


bachchon kee ek duniyaa hai,
jisamen ek gend hai
aur ek sooraj bhee hai.
sooraj ke Dhalate hee
ruk jaataa hai unakaa khel
aur tab bhee
jab gend chalee jaatee hai
ankal kee chhat par.

ankal kee duniyaa men hai
Teevee aur akhabaar
..

Read and listen here...
This Month :
'Gulloo'
Pradeep Shukla


'gulloo-mulloo', 'paaroo bachchaa'
naam ek se ek hai achchhaa
'gauree', 'gulloo', 'chhoTaa maa(n)oo(n)'
ginate jaao naam sunaaoo(n)
'gullaa raanee' baḌee sayaanee
daadee kahateen sabakee naanee
..

Read and listen here...
This Month :

'Kauaa'
Jaya Prasad


ghar ke baahar kauaa baiThaa kaa(n)v-kaa(n)v chillaataa hai
kaun hai aane vaalaa isakee khabaren kauaa laataa hai

paapaa kee mausee ke ghar se guḌ kee bhelee aanee ho
us din subah savere uThataa jaise buḌhiyaa naanee ho
cheekh cheekh kar ghar vaalon ko kauaa raag sunaataa hai
us din sabase pahale kyon, mujhako naheen jagaataa hai ? ..

Read more here...
This Month :
'Lockdown Aur Main'
Tushi Bhattacharya


gazab vo din the, maidaanon par hote the jab saare khel;
ab to ghar men baiThe hain bas, sar men khoob lagaakar tel.
pustaken saaree paḌh Daalee hain, rang Daale hain saare chitr,
dhamaachaukaḌee karen bhee kaise, ab jo ghar n aate mitr.
..

Read and listen here...
random post | poem sections: shilaadhaar yugavaaNee nav-kusum kaavya-setu | pratidhwani | kaavya-lekh
submission | contact us | about us

a  MANASKRITI  website