chal paḌe jidhar do Dag, mag men, chal paḌe koTi pag usee or
paḌ gaee jidhar bhee ek dRShTi, paḌ gaye koTi dRg usee or;
jisake sir par nij dharaa haath, usake shir-rakShak koTi haath
jis par nij mastak jhukaa diyaa, jhuk gaye usee par koTi maath.
he koTicharaN, he koTibaahu! he koTiroop, he koTinaam!
tum ek moorti, pratimoorti koTi! he koTi moorti, tumako praNaam!
yug baḌhaa tumhaaree ha(n)see dekh, yug haTaa tumhaaree bhRkuTi dekh;
tum achal mekhalaa ban bhoo kee, kheenchate kaal par amiT rekh.
tum bol uThe, yug bol uThaa, tum maun bane, yug maun banaa
kuchh karm tumhaare sanchit kar, yug karm jagaa, yugadharm tanaa.
yug-parivarttak, yug-sansthaapak, yug sanchaalak, he yugaadhaar!
yug-nirmaataa, yug-moorti! tumhen, yug-yug tak yug kaa namaskaar!
tum yug-yug kee rooḌhiyaa(n) toḌ, rachate rahate nit naee sRShTi
uThatee navajeevan kee neeven, le navachetan kee divy dRShTi.
dharmaaDanbar ke khanDahar par, kar pad-prahaar, kar dharaadhvast
maanavataa kaa paavan mandir, nirmaaN kar rahe sRjanavyast!
baḌhate hee jaate digvijayee, gaḌhate tum apanaa raamaraaj
aatmaahuti ke maNimaaNik se, maḌhate jananee kaa svarN taaj!
tum kaalachakr ke rakt sane, dashanon ko kar se pakaḌ sudRḌh
maanav ko daanav ke mu(n)h se, laa rahe kheench baahar baḌh-baḌh.
pisatee karaahatee jagatee ke, praaNon men bharate abhay daan
adhamare dekhate hain tumako, kisane aakar yah kiyaa traaN?
dRḌh charaN, sudRḌh karasanpuT se, tum kaalachakr kee chaal rok
nit mahaakaal kee chhaatee par likhate karuNaa ke puNy shlok!
ka(n)pataa asaty, ka(n)patee mithyaa, barbarataa ka(n)patee hai thar-thar!
ka(n)pate sinhaasan, raajamukuT, ka(n)pate khisake aate bhoo par!
hain astr-shastr kunThit lunThit senaayen karatee gRh-prayaaN!
raNabheree teree bajatee hai, uḌataa hai teraa dhvaj nishaan!
he yug-dRShTaa, he yug-sraShTaa,
paḌhate kaisaa yah mokSh-mantr?
is raajatantr ke khanDahar men
ugataa abhinav bhaarat svatantr
-
Sohanlal Dwivedi
