chhoTee see duniyaa
kitane saare log
raj tam sat kaa
vibhinn sanyog.
sahooliyat ke hisaab se
baa(n)T liyaa,
kitane naamon se
pukaar liyaa,
maanyataaon aur paramparaaon men
jakaḌ liyaa.
kisee ne kahaa-
too hai
kisee ne kahaa-
too naheen hai
kisee ne maun saadh liyaa.
koee kahataa-
too ek hai
koee kahataa-
too anek hai
kisee ne maanaa–
teraa roop hai
kisee ne maanaa-
too aroop hai
sadiyon se bahas hotee rahee
bahas jang men tabdeel huee
talavaaren khinch gaee
bandooken tan gaee
aur too
ha(n)sataa rahaa
teree ha(n)see-
kRShN vivar see
gyaan-agyaan
sookShm-sthool
prem-ghRNaa
svaad-asvaad
maan-apamaan
janm-mRtyu
kaN-kaN
har kShaN
samaataa rahaa
samaataa rahaa
aur too
ha(n)sataa rahaa
ha(n)sataa rahaa
ha(n)sataa rahaa
