Receive exquisite poems by email.
Sweekaar Karo
arpit meree bhaavanaa-- ise sveekaar karo .

tumane gati kaa sangharSh diyaa mere man ko,
sapanon ko chhavi ke indrajaal kaa sammohan;
tumane aa(n)soo kee sRShTi rachee hai aa(n)khon men
adharon ko dee hai shubhr madhurimaa kee pulakan.

ullaas aur uchchhvaas tumhaare hee avayav
tumane mareechikaa aur tRShaa kaa sRjan kiyaa,
abhishaap banaakar tumane meree sattaa ko
mujhako pag-pag par miTane kaa varadaan diyaa,

main ha(n)saa, tumhaare ha(n)sate-se sanketon par
main phooT paD़aa, lakh bank bhRkuTi kaa sanchaalan
apanee leelaaon se he vismit aur chakit,
arpit meree bhaavanaa-- ise sveekaar karo.

arpit hai meraa karm-- ise sveekaar karo.

kyaa paap aur kyaa puNy ise to tum jaano,
karanaa paD़taa hai keval itanaa gyaat yahaa(n);
aakaash tumhaaraa aur tumhaaree hee pRthvee,
tumamen hee to in saa(n)son kaa aaghaat yahaa(n);

tumame nirbalataa aur shakti in haathon kee
main chalaa ki charaNon kaa guN keval chalanaa hai
ye dRshy rache, dee vaheen dRShTi tumane mujhako
main kyaa jaanoo(n) k‍yaa saty aur k‍yaa chhalanaa hai.

rach-rachakar karanaa naShT tumhaaraa hee guN hai,
tumamen hee to hai kunThaa in seemaaon kee,
hai nij asaphalataa aur saphalataa se prerit
arpit hai meraa karm-- ise sveekaar karo.

arpit meraa astitv-- ise sveekaar karo.

rangon kee suShamaa rach, maghu Rtu jal jaatee hai,
saurabh bikharaakar phool dhool ban jaataa hai,
dharatee kee pyaas bujhaa jaataa galakar baadal,
paaShaaNon se Takaraakar nirjhar gaataa hai,

tumane hee to paagalapan kaa sangeet diyaa,
karuNaa ban galanaa tumane mujhako sikhalaayaa
tumane hee mujhako yahaa(n) dhool se mamataa dee
rangon men jalanaa mainne tumase hee paayaa.

us gyaan aur bhram men hee to tum chetan ho
jinase main barabas uThataa-girataa rahataa hoo(n)
nij khanD-khanD men he aseem tum he akhanD!
arpit meraa astitv-- ise sveekaar karo.
- Bhagavati Charan Verma

काव्यालय पर प्रकाशित: 23 Oct 2020

***
Donate
A peaceful house of the beauty and solace of Hindi poetry, free from the noise of advertisements... to keep Kaavyaalaya like this, please donate.

₹ 500
₹ 250
Another Amount
This Month :
'Har Makaan Boodhaa Hotaa'
Kumar Ravindra


saadho, sach hai
jaise maanuSh
dheere-dheere har makaan bhee booḌhaa hotaa

deh gharon kee thak jaatee hai
bas jaataa bheetar a(n)dhiyaaraa
usake hiraday neh-sindhu jo
vah bhee ho jaataa hai khaaraa

ghar men
jo devaa basataa hai
..

Read and listen here...
This Month :
'Adhooree'
Priya N. Iyer


har ghar men dabee aavaaz hotee hai
ek anasunee see
raat men khanakhatee chooḌiyon kee
ik sisakee see
..

Read and listen here...
random post | poem sections: shilaadhaar yugavaaNee nav-kusum kaavya-setu | pratidhwani | kaavya-lekh
submission | contact us | about us
Donate

a  MANASKRITI  website