Swatantrataa Kaa Deepak
ghor andhakaar ho, chal rahee bayaar ho,
aaj dvaar dvaar par yah diyaa bujhe naheen.
yah nisheeth kaa diyaa laa rahaa vihaan hai.

shakti kaa diyaa huaa, shakti ko diyaa huaa,
bhakti se diyaa huaa, yah svatantrataadiyaa,
ruk rahee n naav ho, zor kaa bahaav ho,
      aaj gangadhaar par yah diyaa bujhe naheen!
      yah svadesh kaa diyaa praaN ke samaan hai!

yah ateet kalpanaa, yah vineet praarthanaa,
yah puneet bhaavanaa, yah anant saadhanaa,
shaanti ho, ashaanti ho, yuddh, sandhi kraanti ho,
      teer par, kachhaar par, yah diyaa bujhe naheen!
      desh par, samaaj par, jyoti kaa vitaan hai!

teenachaar phool hai, aasapaas dhool hai
baa(n)s hai, babool hai, ghaas ke dukool hai,
vaayu bhee hilor se, phoo(n)k de, jhakor de,
      kabr par, majaar par, yah diyaa bujhe naheen!
      yah kisee shaheed kaa puNy praaNadaan hai!

jhoomajhoom badaliyaa(n), choomachoom bijaliyaa(n)
aa(n)dhiyaa(n) uThaa raheen, halachalen machaa raheen!
laḌ rahaa svadesh ho, shaanti kaa n lesh ho
      kShudr jeetahaar par, yah diyaa bujhe naheen!
      yah svatantr bhaavanaa kaa svatantr gaan hai!
- Gopalsingh Nepali

***
This Month :
'Ek Kavi Ka Antardwandw'
Vinay Saurabh


vah bahut udaas-see shaam thee
jab main us stree se milaa

mainne kahaa - main tumase prem karataa hoon
phir sochaa - yah kahanaa kitanaa naakaaph़ee hai
..

Read and listen here...
This Month :
'Vo Havaa Vaheen Thaharee Hai '
Prakash Devkulish


vo havaa vaheen Thaharee hai abhee tak
aur chhootee hai roj
lagabhag rok letee huee see
jab gujarane lagataa hoo(n) vahaa(n) se
jahaa(n) us din gujarate phon aa gayaa thaa tumhaaraa
aur thoḌee der ke lie aas paas
champaa ke phool khil aaye the
..

Read and listen here...
This Month :
'Teree Hansee Krishna Vivar See'
Punam Sinha


chhoTee see duniyaa
kitane saare log
raj tam sat kaa
vibhinn sanyog.
sahooliyat ke hisaab se
baa(n)T liyaa,
kitane naamon se
pukaar liyaa,
maanyataaon aur paramparaaon men
jakaḌ liyaa.
kisee ne kahaa-
too hai
kisee ne kahaa-
too naheen hai
... ..

Read and listen here...
random post | poem sections: shilaadhaar yugavaaNee nav-kusum kaavya-setu | pratidhwani | kaavya-lekh
submission | contact us | about us

a  MANASKRITI  website