pashchim men Dhalakaa soory uThaa vanshaj sarayoo kee retee se,
haaraa-haaraa, reetaa-reetaa, niःshabd dharaa, niःshabd vyom,
niःshabd adhar par rom-rom thaa Ter rahaa seetaa-seetaa.
kisalie rahe ab ye shareer, ye anaathaman kisalie rahe,
dharatee ko main kisalie sahoo(n), dharatee mujhako kisalie sahe.
too kahaa(n) kho gaee vaidehee, vaidehee too kho gaee kahaa(n),
murajhe raajeev nayan bole, kaa(n)pee sarayoo, sarayoo kaa(n)pee,
devatv huaa lo poorNakaam, neelee maaTee niShkaam huee,
is snehaheen deh ke lie, ab saa(n)s-saa(n)s sangraam huee.
ye raajamukuT, ye sinhaasan, ye digvijayee vaibhav apaar,
ye priyaaheen jeevan meraa, saamane nadee kee agam dhaar,
maa(n)g re bhikhaaree, lok maa(n)g, kuchh aur maa(n)g antim belaa,
in anchalaheen aa(n)suon men nahalaa booDh़ee maryaadaae(n),
aadarshon ke jal mahal banaa, phir raam milen n milen tujhako,
phir aisee shaam Dhale n Dhale.
o khanDit praNayabandh mere, kis Thaur kahaan tujhako joDoo(n),
kab tak pahanoo(n) ye maun dhairy, boloo(n) bhee to kisase boloo(n),
simaTe ab ye leelaa simaTe, bheetar-bheetar goo(n)jaa bhar thaa,
chhap se paanee men paa(n)v paD़aa, kamalon se lipaT gaee sarayoo,
phir laharon par vaaTikaa khilee, ratimukh sakhiyaa(n), natamukh seetaa,
sammohit meghabaran taD़pe, paanee ghuTanon-ghuTanon aayaa,
aayaa ghuTanon-ghuTanon paanee. phir dhuaa(n)-dhuaa(n) phir a(n)dhiyaaraa,
laharon-laharon, dhaaraa-dhaaraa, vyaakulataa phir paaraa-paaraa.
phir ek hiran-see kiran deh, dauD़tee chalee aage-aage,
aa(n)khon men jaise baan sadhaa, do paa(n)v uD़e jal men aage,
paanee lo naabhi-naabhi aayaa, aayaa lo naabhi-naabhi paanee,
jal men tam, tam men jal bahataa, Thaharo bas aur naheen kahataa,
jal men koee jeevit dahataa, phir ek tapasvinee shaant saumy,
dhak dhak lapaTon men nirvikaar, sashareer saty-see sammukh thee,
unmaad neer cheerane lagaa, paanee chhaatee-chhaatee aayaa,
aayaa chhaatee-chhaatee paanee.
aage laharen baahar laharen, aage jal thaa, peechhe jal thaa,
keval jal thaa, vakShasthal thaa, vakShasthal tak keval jal thaa.
jal par tirataa thaa neelakamal, bikharaa-bikharaa saa neelakamal,
kuchh aur-aur saa neelakamal, phir phooTaa jaise jyoti prahar,
dharatee se nabh tak jagar-magar, do TukaD़e dhanuSh paD़aa neeche,
jaise sooraj ke hastaakShar, baanhon ke chandan ghere se,
deepit jayamaal uThee oopar,
sarvasv saunpataa sheesh jhukaa, lo shoony raam lo raam lahar,
phir lahar-lahar, sarayoo-sarayoo, laharen-laharen, laharen- laharen,
keval tam hee tam, tam hee tam, jal, jal hee jal keval,
he raam-raam, he raam-raam
he raam-raam, he raam-raam.
