Koyal Kaa Sitar

ek mast koyal thee, haradam, phudakaa karatee Daalee-Daalee,
shyaam-salonee, man kee chanchal, oo(n)che sur men gaane vaalee.

madhur kaNTh kaa baḌaa garv thaa, kaale rang par baḌaa naaz thaa,
sachamuch meeThaa gaatee thee vah, gaane kaa achchhaa riyaaz thaa.

ek baar vah uḌate uḌate, uḌate hee uḌate mastee men,
jangal ke kuchh baahar aakar, pahu(n)chee anajaanee bastee men.

bastee men Teele ke oopar, sundar saa ik chhoTaa ghar thaa,
goo(n)j rahaa sangeet jahaa(n) par, laharaataa sitaar kaa svar thaa.

jaise koee jaadoo kar de, jaise chumbak lohaa kheenche,
us sitaar kee svaralaharee se, khinchakar koyal aaee neeche.

khiḌakee par jaa baiThee koyal, dekhaa usane dRshy niraalaa,
aa(n)kh moo(n)d sangeet shiromaNi, drut men bajaa rahe the jhaalaa.

jhoom uThee koyal to sunakar, haalat kaa varNan kyaa karanaa
kaanon par bahataa ho jaise, madhur suron kaa nirmal jharanaa.

kuchh besudh see, khoee see kuchh, kuchh soee kuchh jagee-jagee see,
us sitaar ke jaadoo men vah, ghanTon baiThee rahee Thagee see.

pooraa raag bajaakar apanaa, kone men rakhakar sitaar ko,
chale gae sangeet shiromaNi, band kar gae khule dvaar ko.

koyal jhaT khiḌakee se utaree, Dar-Dar kar sitaar tak aaee,
kaise bajataa hai yah baajaa, bechaaree kuchh samajh n paaee.

kabhee use aage se dekhe, kabhee phudak kar dekhe peechhe,
kabhee uḌe, baiThe khoonTee par, kabhee taar par baiThe neeche.

aage-peechhe, oopar-neeche, dekhabhaal jab kaaphee ho lee,
asamanjas men ghiree huee vah, aakhir us sitaar se bolee --

phir bajo zaraa o saaz, tum bajo zaraa,
phir goo(n)je vah aavaaz, tum bajo zaraa.

main bhool gaee apanaa gaanaa, phir se tum mujhako dikhalaanaa,
apanaa meeThaa andaaz, phir bajo zaraa.

sitaar
apane aap naheen bajataa hoo(n), khud hee bajanaa mujhe n aataa,
tabhee nikalate hain sur meeThe, mujhako jab koee aur bajaataa.

koyal
sachamuch madhur-madhur sur nikale, yaa main dekh rahee thee sapanaa,
tum ho kaun, bane ho kaise, pyaare naam bataao apanaa.

sitaar
lakaḌee toonbaa taar milaakar, hotaa mehanat se taiyaar,
meeThe raag sunaataa hoo(n) main, sab kahate hain mujhe sitaar.

koyal
kyaa mai tumhe bajaa sakatee hoo(n), gaa sakatee hoo(n) raag jhinjhoTee,
magar bajaaoo(n)gee main kaise, main hoo(n) tumase behad chhoTee.

kuchh aahaT see huee dvaar par, sunakar vah koyal ghabaraaee,
uḌee phurr se phauran oopar, jhaT khiḌakee ke baahar aaee.

lagee sochane apane man men, aisaa ek sitaar banaaoo(n)
sunaa sakoo(n) apane bachchon ko, jise ghonsale men le jaaoo(n).

gaayan to aataa hai mujhako, vaadan bhee yadi aa jaaegaa
kahalaaoo(n)gee sangeet-vishaarad, naam har taraph chhaa jaaegaa.

magar banaaoo(n)gee main kaise, mujhako naheen banaanaa aataa
koee hotaa kalaakaar jo, saaj banaanaa mujhe sikhaataa.

kuchh-kuchh mujhako yaad aa rahaa, kyaa bolaa thaa bhalaa sitaar --
lakaḌee toonbaa taar milaakar, hotaa mehanat se taiyaar.

ab sitaar apanaa banaaegee, yah thaa koyal kaa mansoobaa
use chaahie thoḌee lakaḌee, lanbaa taar aur ek toonbaa.

man men pakkaa nishchay karake, bharake ek lanbee see saas,
uḌate-uḌate lakaḌee lene, koyal gaee peḌ ke paas.

kahaa peḌ ne -- baḌhaee bulaao, man chaahe jitanee le lo.
kahaa bel ne -- pyaaree koyal, lo toonbaa, khaao khelo.

raajee hue madad karane ko, isee tarah se baḌhaee - luhaar,
kahaa sabhee ne -- hamen sunaanaa, pooraa jab ban jaae sitaar.

koyal bolee -- bahut Theek hai, isamen kaisee baadhaa hai,
bachchon se pahale sunaaoo(n)gee, meraa pakkaa vaadaa hai.

peḌ
aisaa vaadaa mat kar koyal, bachchon kaa hak pahalaa hai.
luhaar
bachchon kee kilakaaree se hee, yah sansaar rupahalaa hai

baḌhaee
haa(n) koyal yah baat sahee hai, pahale apane bachche hain.
bel
ve sitaar jee bhar kar sun len, phir ham chaachee-chachche hain.

baḌhaee ne kaaTee peḌ se lakaḌee, phir luhaar ne kheenche taar,
sookhaa toonbaa kiyaa khokhalaa, teenon cheez huee taiyaar.

saat taar lakaḌee men lagaae, neeche toonbaa joḌ diyaa,
taar baa(n)dh kar har khoo(n)Tee se, usakaa kaan maroḌ diyaa.

baḌhaee ne apane kaushal se, sajjaa bhee usakee kar dee,
jo bhee khaalee jagah dikhee, usane nakkaashee se bhar dee.

pankh nachaa kar lagee jhoomane, koyal kaa ban gayaa sitaar
khushiyon se phoolee n samaae, dekhe usako baarambaar.

baḌe jatan se thaamaa usane, pankh moḌ kar chheḌaa saaz,
sur jangal men lage goonjane, nikalee madhur-madhur aavaaz.

koyal khush thee, itanee khush thee, kitanee khush thee, kahaa n jaay,
mu(n)h se koee bol n phooTe, jhar jhar jhar aa(n)soo barasaay.

aa(n)soo jyon hee gire saaz par, band huaa usakaa bajanaa,
koyal kaa jee dhakk rah gayaa, kaisee hai yah durghaTanaa!

kheenche taar ghumaaee khoonTee, har koshish bekaar gaee,
kisee tarah bhee naheen bajaa vah, koyal thak kar haar gaee.

kuchh pahale to bahe khushee men, aa(n)soo ab nikale gam ke,
koyal rotee subak-subak kar, hichakee letee tham-tham ke.

jab nanhe sitaar ne dekhaa, koyal hai ati dukhiyaaree
snehamayee vaaNee men bolaa, yon mat ro, koyal pyaaree.

main hoo(n) bilkul Theek, bajoo(n)gaa, jab bhee mujhe bajaaogee,
mujhase baaten naheen kareen to, aisaa hee phal paaogee!

meraa bhee to man hotaa hai, tumase thoḌee baat karoo(n)
kuchh batalaaoo(n) apane jee kee, kuchh main tumase gyaat karoo(n).

koyal
karanaa maaph sitaar mujhe tum, main khushiyon men jhool gaee
sabase pyaare dost, tumhee se, baaten karanaa bhool gaee.

agar n bajate to mar jaatee, sachamuch Dar ke maare main
gussaa chhoḌ bataao mujhako, sabakuchh apane baare men.

sitaar
abase kabhee n rooThoo(n)gaa main, gussaa karake pachhataayaa
suno bataataa hoo(n) main tumako, kaise dharatee par aayaa.

jangal men thaa ek shikaaree, naee cheez usane bhaanpee
jyon hee chhooTaa teer dhanuSh se, tanee huee Doree kaanpee.

Doree ke kampan se nikalee, halkee madhur-madhur aavaaz
baarambaar kheenchakar chhoḌe, magn ho gayaa teerandaaz.

koyal, maanav kee duniyaa men, naee baat us roz huee
dhyaan gayaa meeThee dhvaniyon par, taar-vaady kee khauj huee.

koyal
baḌe pate kee baat bataaee, tum to ho poore daadoo
samajh gaee ab samajh gaee main, ye aavaazon kaa jaadoo.

sitaar
aavaaz ke is jaadoo kee, gaathaa baḌee niraalee hai
pahale taar-vaady se ab tak, kitanee manzil paa lee hai.

dheere-dheere insaanon ne, sur kaa rastaa moḌ diyaa
lanbee lakaḌee ek kaToraa, in donon ko joḌ diyaa.

lakaḌee ke donon chhoron par, lanbaa taar lagaate the
ungalee se vah taar kheenchakar, meeThe raag bajaate the.

aage chal kar yah bhee jaanaa, anubhav kee gaharaaee se
dhvani men baḌaa phark paḌataa hai, taaron kee lambaaee se.

svar-manDal dekhaa hee hogaa, vah to meraa bhaaee hai
usamen jitane taar lage hain, alag-alag lambaaee hai.

is kaaraN har ek taar se, alag-alag sur aate hain
Dhang se agar bajaae koee, man ko bahut lubhaate hain.

ek taar kee veeNaa aaee, dheere-dheere taar baḌhe
alag-alag taaron ke kaaraN, alag-alag hee naam paḌe.

kahaa tritantree veeNaa usako, jisamen teen lagaae taar
beetaa samay, usee veeNaa ko, sab pukaarane lage sitaar.

bhaaee bahan bahut hain mere, duniyaa men karate aamod
taanapuraa hai, surabahaar hai, hain rabaab, santoor, sarod.

aur bataao kyaa batalaaoo(n), baaten abhee ghaneree hain
kuchh to hain bhaaee bahanon kee, aur bahut see meree hain.

koyal
saath rahenge batiyaaenge, kintu abhee to jaanaa hai
peḌ, baḌhaee, lauhaar, bel ko, kuchh sangeet sunaanaa hai.

phir sitaar ko lekar koyal, kramashः sabake paas gaee
bachche the har jagah saath men, sabake man kee phaans gaee.

peḌ ko raag vasant sunaayaa, aur baḌhaee ko raag bhairavee
gaee bel ke paas, bel ne, raag des kee karee pairavee.

par luhaar bolaa - o koyal! toone yaad rakhe sab vaade
ek raag bas achchhaa lagataa, mujhako baageshree sunavaa de.

us sitaar vaalee koyal kee, phailee jangal men mashahooree
aur is tarah pyaare bachchon, kathaa ho gaee apanee pooree.

अशोक चक्रधर का फ़ेसबुक पेज और वेबसाइट