Kaamaayani - 'Lajja' parichhed
komal kisalay ke anchal men nanheen kalikaa jyon chhipatee-see,
godhulee ke dhoomil paT men deepak ke svar men dipatee-see.
manjul svapnaon kee vismRti men man kaa unmaad nikharataa jyon -
surabhit laharon kee chhaayaa men bulle kaa vibhav bikharataa jyon -
vaisee hee maayaa se lipaTee adharon par u(n)galee dhare hue,
maadhav ke saras kutoohal kaa aa(n)khon men paanee bhare hue.
neerav nisheeth men latikaa-see tum kaun aa rahee ho baḌhatee?
komal-baahen phailaaye-see aalingan kaa jaadoo paḌhatee!
kin indrajaal ke phoolon se lekar suhaag-kaN raag-bhare,
sir neechaa kar ho goo(n)th rahee maalaa jisase madhu dhaar Dhare?
pulakit kadanb kee maalaa-see pahanaa detee ho antar men,
jhuk jaatee hai man kee Daalee apanee phalabharataa ke Dar men.
varadaan sadRsh ho Daal rahee neelee kiranon se bunaa huaa,
yah anchal kitanaa halkaa-saa kitanaa saurabh se sanaa huaa.
sab ang mom se banate hain komalataa men bal khaatee hoo(n),
main simaT rahee-see apane men parihaas-geet sun paatee hoo(n).
smit ban jaatee hai taral ha(n)see nayanon men bhar kar baa(n)kapanaa,
pratyakSh dekhatee hoo(n) sab jo vah banataa jaataa hai sapanaa.
mere sapanon men kalarav kaa sansaar aa(n)kh jab khol rahaa,
anuraag sameeron par tirataa thaa itaraataa-saa Dol rahaa.
abhilaaShaa apane yauvan men uThatee us sukh ke svaagat ko,
jeevan bhar ke bal-vaibhav se satkRt karatee dooraagat ko.
kiranon kee rajju sameT liyaa jisakaa avalamban le chaḌhatee,
ras ke nirjhar men dha(n)s kar main aanand-shikhar ke prati baḌhatee.
chhoone men hichak, dekhane men palaken aa(n)khon par jhukatee hain,
kalarav parihaas bharee goo(n)jen adharon tak sahasaa rukatee hain.
sanket kar rahee romaalee chupachaap barajaatee khaḌee rahee,
bhaaShaa ban bhauhon kee kaalee rekhaa-see bhram men paḌee rahee.
tum kaun! hRday kee paravashataa? saaree svatantrataa chheen rahee,
svachchhand suman jo khile rahe jeevan-van se ho been rahee!"
sandhyaa kee laalee men ha(n)satee, usakaa hee aashray letee-see,
chhaayaa pratimaa gunagunaa uThee, shraddhaa kaa uttar detee-see.

"itanaa n chamakRt ho baale! apane man kaa upakaar karo,
main ek pakaḌ hoo(n) jo kahatee Thaharo kuchh soch-vichaar karo.
anbar-chunbee him-shrRngon se kalarav kolaahal saath liye,
vidyut kee praaNamayee dhaaraa bahatee jisamen unmaad liye.
mangal kunkum kee shree jisamen nikharee ho ooShaa kee laalee,
bholaa suhaag iThalaataa ho aisaa ho jisamen hariyaalee,
ho nayanon kaa kalyaaN banaa aanand suman-saa vikasaa ho,
vaasantee ke van-vaibhav men jisakaa panchamasvar pik-saa ho,
jo goo(n)j uThe phir nas-nas men moorchhanaa samaan machalataa-saa,
aa(n)khon ke saa(n)che men aakar ramaNeey roop ban Dhalataa-saa,
nayanon kee neelam kee ghaaTee jis ras ghan se chhaa jaatee ho,
vah kaundh ki jisase antar kee sheetalataa ThanDhak paatee ho,
hillol bharaa ho Rtupati kaa godhulee kee see mamataa ho,
jaagaraN praat-saa ha(n)sataa ho jisamen madhyaahn nikharataa ho,
ho chakit nikal aaee sahasaa jo apane praachee ke ghar se,
us naval chandrikaa-se bichhale jo maanas kee laharon par se,
phoolon kee komal pankhaḌiyaa(n) bikharen jisake abhinandan men,
makarand milaatee hon apanaa svaagat ke kunkum chandan men,
komal kisalay marmar-rav-se jisakaa jayaghoSh sunaate hon,
jisamen duःkh sukh milakar man ke utsav aanand manaate hon,
ujjaval varadaan chetanaa kaa saundaryy jise sab kahate hain,
jisamen anant abhilaaShaa ke sapane sab jagate rahate hain.
main usaee chapal kee dhaatree hoo(n), gaurav mahimaa hoo(n) sikhalaatee,
Thokar jo lagane vaalee hai usako dheere se samajhaatee,
main dev-sRShTi kee rati-raanee nij panchabaaN se vanchit ho,
ban aavarjanaa-moorti deenaa apanee atRpti-see sanchit ho,
avashiShT rah gaeen anubhav men apanee ateet asaphalataa-see,
leelaa vilaas kee khed-bharee avasaadamayee shram-dalitaa-see,
main rati kee pratikRti lajjaa hoo(n) main shaaleenataa sikhaatee hoo(n),
matavaalee sundarataa pag men noopur see lipaT manaatee hoo(n),
laalee ban saral kapolon men aa(n)khon men anjan see lagatee,
kunchit alakon see ghu(n)gharaalee man kee maror banakar jagatee,
chanchal kishor sundarataa kee main karatee rahatee rakhavaalee,
main vah halakee see masalan hoo(n) jo banatee kaanon kee laalee."

"haa(n), Theek, parantu bataaogee mere jeevan kaa path kyaa hai?
is niviḌ nishaa men sansRti kee aalokamayee rekhaa kyaa hai?
yah aaj samajh to paaee hoo(n) main durbalataa men naaree hoo(n),
avayav kee sundar komalataa lekar main sabase haaree hoo(n).
par man bhee kyon itanaa Dheelaa apane hee hotaa jaataa hai,
ghanashyaam-khanD-see aa(n)khon men kyon sahasaa jal bhar aataa hai?
sarvasv-samarpaN karane kee vishvaas-mahaa-taru-chhaayaa men,
chupachaap paḌee rahane kee kyon mamataa jagatee hain maayaa men?
chhaayaapath men taarak-dyuti see jhilamil karane kee madhu-leelaa,
abhinay karatee kyon is man men komal nireehataa shram-sheelaa?
nissanbal hokar tiratee hoo(n) is maanas kee gaharaaee men,
chaahatee naheen jaagaraN kabhee sapane kee is sugharaaee men.
naaree jeevan kee chitr yahee kyaa? vikal rang bhar detee ho,
asphuT rekhaa kee seemaa men aakaar kalaa ko detee ho.
rukatee hoo(n) aur Thaharatee hoo(n) par soch-vichaar n kar sakatee,
pagalee-see koee antar men baiThee jaise anudit bakatee.
main jabhee tolane kaa karatee upachaar svayan tul jaatee hoo(n),
bhujalataa pha(n)saa kar nar-taru se jhoole-see jhonke khaatee hoo(n).
is arpaN men kuchh aur naheen keval utsarg chhalakataa hai,
main de doo(n) aur n phir kuchh loo(n), itanaa hee saral jhalakataa hai.
"kyaa kahatee ho Thaharo naaree! sankalp-ashru jal se apane -
tum daan kar chukee pahale hee jeevan ke sone-se sapane.
naaree! tum keval shraddhaa ho vishvaas-rajat-nag pagatal men,
peeyooSh-srot bahaa karo jeevan ke sundar samatal men.
devon kee vijay, daanavon kee haaron kaa hotaa yuddh rahaa,
sangharSh sadaa ur-antar men jeevit rah nity-viruddh rahaa.
aa(n)soo se bheenge anchal par man kaa sab kuchh rakhanaa hogaa -
tumako apanee smit rekhaa se yah sandhipatr likhanaa hogaa."
- Jaishankar Prasad

***
Jaishankar Prasad
's other poems on Kaavyaalaya

 Kaamaayani - 'Nirved' parichhed ke kuchh chhand
 Kaamaayani - 'Lajja' parichhed
 Prayaangeet
 Beetee Vibhaavaree Jaag Ree
This Month :
'Chhipaa Lenaa'
Ram Krishna "Kaushal"


jab veg pavan kaa baḌh jaae
anchal men deep chhipaa lenaa.

kuchh kahate kahate ruk jaanaa
kuchh aankhon aankhon kah denaa
kuchh sun lenaa chupake chupake
kuchh chupake chupake sah lenaa

rahane dekar man kee man men
tum geet praNay ke gaa lenaa

jab veg man kaa baḌh jaae
anchal men deep chhipaa lenaa.

nabh men neerav taare honge
man men hongee baaten manakee
kuchh sapane honge rang bhare
kuchh yaaden beete jeevan kee

jab chaand ghaTaa men muskaae
tum ur kee peer sulaa lenaa

jab veg pavan kaa baḌh jaae
anchal men deep chhipaa lenaa.

kuchh sanyam se kuchh nishchay se
nij yauvan man chhalate jaanaa

Read and listen here...
This Month :
'Soorya'
Ramdhari Singh 'Dinkar'


soory, tumhen dekhate-dekhate
main vRddh ho gayaa.

log kahate hain,
mainne tumhaaree kiraNen pee hain,
tumhaaree aag ko
paas baiThakar taapaa hai.

aur afavaah yah bhee hai
..

Read and listen here...
This Month :

'Kaavyaalaya Statistics - July 2020 to March 2021'


जब विश्व भर में मानवजाति एक नए अदृश्य ख़तरे से लड़ रही थी, तब काव्यालय के जीवन में क्या हो रहा था? प्रस्तुत है काव्यालय का चौथा वार्षिक रिपोर्ट -- ..

Read and listen here...
आज नदी बिल्कुल उदास थी -- केदारनाथ अग्रवाल
random post | poem sections: shilaadhaar yugavaaNee nav-kusum kaavya-setu | pratidhwani | kaavya-lekh
submission | contact us | about us

a  MANASKRITI  website