Jeekar Dekh Liya - Shiv Bahadur Singh Bhadauriya. काव्यालय| Kaavyaalaya: House of Hindi Poetry

jeekar dekh liyaa
jeene men -
kitanaa maranaa paḌataa hai.
apanee sharton par jeene kee
ek chaah sabamen rahatee hai.
kintu zindagee anubandhon ke
anachaahe aashray gahatee hai.
kyaa kyaa kahanaa
kyaa kyaa sunanaa
kyaa kyaa karanaa paḌataa hai
samajhauton kee suiyaan milatee,
dhan ke dhaage bhee mil jaate,
sambandhon ke phaTe vastr to
silane ko hain, sil bhee jaate,
seevan
kaun, kahaa(n) kab udhaḌe,
itanaa Daranaa paḌataa hai.
meree kaun visaat yahaa(n) to
sanyaasee bhee saansat Dhote.
laakh aparigrah ke darpaN ho
sangrah ke pratibimb sanjote,
kuTiyaa men
kopeen kamaNDal
kuchh to dharanaa paḌataa hai.

- Shiv Bahadur Singh Bhadauriya

Ref: Naye Purane, Geet Anka-1, April,1997

Donate
A peaceful house of the beauty and solace of Hindi poetry, free from the noise of advertisements... to keep Kaavyaalaya like this, please donate.

₹ 500

₹ 250

Another Amount

Shiv Bahadur Singh Bhadauriya
's other poems on Kaavyaalaya

Jeekar Dekh Liya

Nadee Kaa Bahnaa Mujhme Ho

This Month :
'News Channel '
Priyadarshan

yahaa(n) traasadiyaa(n)
prahasan men badalee jaatee hain,
bhaaShaa tamaashe men
aur log kaThaputaliyon men.
tabaahiyon kee khuraak
isakaa peT bharatee hai.
bahut manoyog se
kiyaa jaataa hai
..

Read and listen here...

This Month :
'Ram Kee Jal Samaadhi'
Bhaarat Bhooshan

pashchim men Dhalakaa soory uThaa vanshaj sarayoo kee retee se,
haaraa-haaraa, reetaa-reetaa, niःshabd dharaa, niःshabd vyom,
niःshabd adhar par rom-rom thaa Ter rahaa seetaa-seetaa.

kisalie rahe ab ye shareer, ye anaathaman kisalie rahe,
dharatee ko main kisalie sahoo(n), dharatee mujhako kisalie sahe.
too kahaa(n) kho gaee vaidehee, vaidehee too kho gaee kahaa(n),
..

Read and listen here...

This Month :
'Rang Aur Main'
Asha Jaiswal

baD़e niraale hote hain,
jeevan ke ye rang.
kabhee uShaa kee laalimaa
ban kar man men
aashaaon ke kamal
khilaa jaate hain
to kabhee
niraashaa kee ... ..

Read more here...