Chhand Prasang Nahin Hain - Devendra Sharma Indra. काव्यालय| Kaavyaalaya: House of Hindi Poetry

Chhand Prasang Nahin Hain

ham jeevan ke mahaakaavy hain
keval chhand prasang naheen hain.
         kankaḌ-patthar kee dharatee hai
         apane to paa(n)von ke neeche
         ham kab kahate bandhu! bichhaao
         svaagat men makhamalee galeeche
retee par jo chitr banaatee
aisee rang-tarang naheen hai.
         tumako raas naheen aa paayee
         kyon ajaatashatrutaa hamaaree
         chhip-chhipakar jo karate rahate
         sheetayuddh kee tum taiyaaree
ham bhaaḌe ke sainik lekar
laḌate koee jang naheen hain.
         kahate-kahate hamen maseehaa
         tum laTakaa dete saleeb par
         hansen tumhaaree kooTaneeti par
         kuḌhen yaa ki apane naseeb par
bheetar-bheetar se jo pole
ham ve Dhol-mRdang naheen hai.
         tum saamoohik bahiShkaar kee
         mitr! bhale yojanaa banaao
         jahaa(n)-jahaa(n) par likhaa huaa hai
         naam hamaaraa, use miTaao
jisakee Dor haath tumhaare
ham vah kaTee patang naheen hai.

- Devendra Sharma Indra

Donate
A peaceful house of the beauty and solace of Hindi poetry, free from the noise of advertisements... to keep Kaavyaalaya like this, please donate.

₹ 500

₹ 250

Another Amount

This Month :
'Sabse Taaqatvar'
Aashish Qureshi 'Mahid'

jab aap kuchh naheen kar sakate
to kar sakate hain vo
jo sabase taak़tavar hai

tooph़aan kaa dhaagaa
dariyaa kaa tinakaa
door pahaaD़ par jalataa diyaa

..

Read more here...

This Month :
'Haadse Ke Baad Kee Deepawali'
Geeta Dubey

raushanee se nahaae is shahar men
khushiyon kee laḌiyaa(n) jagamagaatee hain
cheer kar gamon ke a(n)dhere ko
jindagee aaj phir se muskaraatee hai.
dhamaakaa phir goonjataa hai
par bamon aur bandookon kaa naheen
paTaakhon ke saath saath
goonjatee hai kilakaariyaa(n) bhee.
sahame se murjhaae hoThon par
..

Read and listen here...