bhor kaa paahun duaare par-
bhor vanagandhee havaaon se kiran ke phool utare,
aur meree deharee par kuchh abole shabd ban bikhare .
uTho meree padmagandhini uTho,
chandan baanh par phaile sivaaree aabavaale,
morapankhee ghan sanbhaalo,
maun adharon par lagee paabandiyaan apanee uThaa lo .
abhee Thaharaa huaa hai bhor kaa paahun duaare par,
abhee Thaharaa huaa hai baansuree kaa svar kinaare par .
uTho is deharee ke phool se veNee sanvaaroongaa,
anaagat kaa sajal varadaan palakon par utaaroongaa .
ki kal koee n yah kah de-
tumhaare dvaar par utaraa huaa jo
bhor kaa paahun anaadRt thaa .
-
Ramanath Sharma
