Bheetar Bahut Door

bheetar bahut door
ek gheraa hai
duniyaa ke upaje raaston kaa bhooraa vistaar
aa(n)khon ke jalakunDon ke kinaare
tumhaare anaginat pratiroop
nirvasan unase lipaTatee huee meree aatmaa

bheetar bahut door
is duniyaa ke peechhe se
jhaa(n)katee hai ek duniyaa
prakRti kee komal santaanen
botee huee prem ke beej
sooraj apanaa mu(n)h khole
jalaataa dukhon ke Dher

bheetar bahut door
anaam nadiyaa(n) hain
samudron ke ghumaD़te bha(n)var
pahaaD़on kaa gurutv
biyaabaanon kee nirjanataa
ajanme shabdon ke arth
ek bojhil chandramaa
sapanon ke pyaale men
giratee huee ek raat

bheetar bahut door
kroor dRshyon se bachane kee guph़aae(n) hain
unakaa saamanaa karane ke lie
eendhan banaane ke kaarakh़aane
TooTe hue vishvaason kee pretaatmaae(n)
haare hue manuShyon kee neend
apamaanit striyon ke aa(n)soo
asamay chhin gaye kaee bachapanon kee kathaa
vyarth hote samay kaa hisaab
in sab ke baare men naheen likhee gaee ek kitaab

ek ujaas bheetar bahut door
bahut door ek os kee boo(n)d hai
jahaa(n) main apanaa jeevan bitaatee hoo(n)
main ek haree pattee ke peechhe chhip jaatee hoo(n)
main ugaatee hoo(n) shabdon kaa ek peD़
kore panne par jaise dhoop aur baarish
bheetar prakaash kee ek pRthvee
door jaatee ek saD़k ke paar .