shaanti chhinn bhinn ho,
hRday bhale khinn ho,
jeevan ke a(n)dhere-ujaas men,
asaphal prayaas men,
aas paraajit naheen hai,
aur aparaajitaa hoo(n) main |
sanbandhon ke vichchhed se,
aasthaa ke bhed se,
shvaas ke viraam se,
avaanchhit aayaam se,
sneh paraajit naheen hai,
aur aparaajitaa hoo(n) main |
prem naheen, dveSh ho,
vishv bhar men klesh ho,
saubhaagy n ho, abhaag ho,
dhvanit karuN raag ho,
saahas paraajit naheen hai,
aur aparaajitaa hoo(n) main |
agni, jal vaayu se,
nit baḌhatee aayu se,
pch tatv bhoot se,
aatmaa ke sootr se,
paribhaaShit hai meraa tan,
kintu aparibhaaShit rahee hoo(n) main -
haa(n), paraajit naheen hoo(n) main |
-
Shaily Chaturvedi
