Anveshan

main Dhoo(n)Dhataa tujhe thaa, jab kunj aur van men.
too khojataa mujhe thaa, tab deen ke sadan men..
          too 'aah' ban kisee kee, mujhako pukaarataa thaa.
          main thaa tujhe bulaataa, sangeet men bhajan men..
mere lie khaḌaa thaa, dukhiyon ke dvaar par too.
main baaT johataa thaa, teree kisee chaman men..
          banakar kisee ke aa(n)soo, mere lie bahaa too.
          aa(n)khe lagee thee meree, tab maan aur dhan men..
baaje bajaabajaa kar, main thaa tujhe rijhaataa.
tab too lagaa huaa thaa, patiton ke sangaThan men..
          main thaa virakt tujhase, jag kee anityataa par.
          utthaan bhar rahaa thaa, tab too kisee patan men..
bebas gire huon ke, too beech men khaḌaa thaa.
main svarg dekhataa thaa, jhukataa kahaa(n) charan men..
          toone diyaa anekon avasar n mil sakaa main.
          too karm men magan thaa, main vyast thaa kathan men..
teraa pataa sikandar ko, main samajh rahaa thaa.
par too basaa huaa thaa, pharahaad kohakan men..
          kreesas kee 'haay' men thaa, karataa vinod too hee.
          too ant men hansaa thaa, mahamud ke rudan men..
prahalaad jaanataa thaa, teraa sahee Thikaanaa.
too hee machal rahaa thaa, mansoor kee raTan men..
          aakhir chamak paḌaa too gaa(n)dhee kee haDDiyon men.
          main thaa tujhe samajhataa, suharaab peele tan men.
kaise tujhe miloo(n)gaa, jab bhed is kadar hai.
hairaan hoke bhagavan, aayaa hoo(n) main saran men..
          too roop kai kiran men saundary hai suman men.
          too praaN hai pavan men, vistaar hai gagan men..
too gyaan hinduon men, eemaan muslimon men.
too prem krishchiyan men, too saty hai sujan men..
          he deenabandhu aisee, pratibhaa pradaan kar too.
          dekhoo(n) tujhe dRgon men, man men tathaa vachan men..
kaThinaaiyon dukhon kaa, itihaas hee suyash hai.
mujhako samarth kar too, bas kaShT ke sahan men..
          dukh men n haar maanoo(n), sukh men tujhe n bhooloo(n).
          aisaa prabhaav bhar de, mere adheer man men..