ek bhee aa(n)soo n kar bekaar -
jaane kab samandar maangane aa jaae!
paas pyaase ke kuaa(n) aataa naheen hai,
yah kahaavat hai, amaravaaNee naheen hai,
aur jis ke paas dene ko n kuchh bhee
ek bhee aisaa yahaa(n) praaNee naheen hai,
kar svayan har geet kaa shrRngaar
jaane devataa ko kaunasaa bhaa jaay!
choT khaakar TooTate hain sirph darpaN
kintu aakRtiyaa(n) kabhee TooTee naheen hain,
aadamee se rooTh jaataa hai sabhee kuchh -
par samasyaayen kabhee rooThee naheen hain,
har chhalakate ashru ko kar pyaar -
jaane aatmaa ko kaun saa nahalaa jaay!
vyarth hai karanaa khushaamad raaston kee,
kaam apane paa(n)v hee aate saphar men,
vah n eeshvar ke uThaae bhee uThegaa -
jo svayan gir jaay apanee hee nazar men,
har lahar kaa kar praNay sveekaar -
jaane kaun taT ke paas pahu(n)chaa jaae!
-
Ramavtar Tyagi
