Receive exquisite poems.
Ankahee See Baat
baat,
jo tum kah naheen paaye,
jo rah gayee thee
do baaton ke daramyaan
aTak kar
tumhaare adharon par
jise chhupaa liyaa
tumhaaree najaron ne
palaken jhukaa kar,
use paḌh liyaa thaa mainne
aur vah shaamil ho gayaa hai
mere hone men .
usee ko main likhataa hoo(n) aajakal,
apanee kavitaaon men.
boo(n)d boo(n)d
apane vajood men Doobokar.
tumhaare lie
jo thee
ek zaraa
anakahee see baat,
vah ek silasilaa ban gayaa hai
kabhee naheen khatm hone vaalaa.
mere man kaa aakaash
abhee bhee taakataa hai raah
aur phaahe se banaataa hai
tarah tarah kee tasveeren
aur phir phoonk kar uḌaa detaa hai
idhar udhar
muskuraate hue.
kabhee kabhee baras bhee jaataa hai
aa(n)khon se,
agar kabhee idhar aanaa
to lekar aanaa
ek naav.
nadee jo tumhen dikhatee hai sookhee
hai daraasal labaalab bharee huee.
jis kinaare par kabhee tumane likhaa thaa
apanaa naam,
use mainne ab bhee bachaakar rakhaa hai
nadee kee dhaaraa se
apanee deh kee aaḌ dekar
aur tumhaaree a(n)guliyon kee chhuan
mahasoos karataa hoo(n)
apanee hathelee par.
jab aao to apane pairon ke neeche
rakh lenaa
ek phool.
- Neeraj Neer
Topic:
Love (61)

काव्यालय को प्राप्त: 14 Apr 2018. काव्यालय पर प्रकाशित: 7 Dec 2018

***
Donate
A peaceful house of the beauty and solace of Hindi poetry, free from the noise of advertisements... to keep Kaavyaalaya like this, please donate.

₹ 500
₹ 250
Another Amount
This Month :
'Kuchh Prem Kavitaayein'
Pradeep Shukla


1.
prem kavitaa, kahaaniyaa(n) aur ph़ilmen
jahaa(n) tak le jaa sakatee hain
main gayaa hoo(n) usake paar
kaee baar.
ik ajeeb-see bechainee hotee hai vahaa(n)
jee karataa hai thaam loo(n) koee cheej
koee haath, koee sahaaraa.
main Tik naheen paataa vahaa(n) der tak.

suno,
abase
..

Read and listen here...
This Month :
'Swatantrataa Kaa Deepak'
Gopalsingh Nepali


ghor andhakaar ho, chal rahee bayaar ho,
aaj dvaar dvaar par yah diyaa bujhe naheen.
yah nisheeth kaa diyaa laa rahaa vihaan hai.

shakti kaa diyaa huaa, shakti ko diyaa huaa,
bhakti se diyaa huaa, yah svatantrataadiyaa,
ruk rahee n naav ho, zor kaa bahaav ho,
      aaj gangadhaar par yah diyaa bujhe naheen!
      yah svadesh kaa diyaa praaN ke samaan hai!
..

Read more here...
This Month :
'Yuddh Kee Vibheeshikaa'
Gajendra Singh


yuddh agar anivaary hai socho samaraangaN kaa kyaa hogaa?
aise hee chalataa rahaa samar to naee phasal kaa kyaa hogaa?

har or dhue(n) ke baadal hain, har or aag ye phailee hai.
bachapan kee aa(n)khen bhayaakraant, khaNDahar ghar, dharatee mailee hai.
chhaayaa nabh men kaalaa patajhaḌ, kho gayaa kahaa(n) neelaa manjar?
jharanon kaa gaanaa thaa kal tak, par aaj maut kee railee hai.

kilakaaree bharate ..

Read and listen here...
random post | poem sections: shilaadhaar yugavaaNee nav-kusum kaavya-setu | pratidhwani | kaavya-lekh
contact us | about us
Donate

a  MANASKRITI  website