Aaraam Karo
ek mitr mile, bole, "laalaa, tum kis chakkee kaa khaate ho?
is DeḌh chha(n)Taak ke raashan men bhee tond baḌhaae jaate ho.
kyaa rakkhaa hai maa(n)s baḌhaane men, manahoos, akl se kaam karo.
sankraanti-kaal kee belaa hai, mar miTo, jagat men naam karo."
ham bole, "rahane do lekchar, puruShon ko mat badanaam karo.
is dauḌ-dhoop men kyaa rakkhaa, aaraam karo, aaraam karo.

aaraam zindagee kee kunjee, isase n tapedik hotee hai.
aaraam sudhaa kee ek boond, tan kaa dubalaapan khotee hai.
aaraam shabd men 'raam' chhipaa jo bhav-bandhan ko khotaa hai.
aaraam shabd kaa gyaataa to viralaa hee yogee hotaa hai.
isalie tumhen samajhaataa hoo(n), mere anubhav se kaam karo.
ye jeevan, yauvan kShaNabhangur, aaraam karo, aaraam karo.

yadi karanaa hee kuchh paḌ jaae to adhik n tum utpaat karo.
apane ghar men baiThe-baiThe bas lambee-lambee baat karo.
karane-dharane men kyaa rakkhaa jo rakkhaa baat banaane men.
jo oTh hilaane men ras hai, vah kabhee n haath hilaane men.
tum mujhase poochho batalaaoo(n) -- hai mazaa moorkh kahalaane men.
jeevan-jaagRti men kyaa rakkhaa jo rakkhaa hai so jaane men.

main yahee sochakar paas akl ke, kam hee jaayaa karataa hoo(n).
jo buddhimaan jan hote hain, unase kataraayaa karataa hoo(n).
deee jalane ke pahale hee ghar men aa jaayaa karataa hoo(n).
jo milataa hai, khaa letaa hoo(n), chupake so jaayaa karataa hoo(n).
meree geetaa men likhaa huaa -- sachche yogee jo hote hain,
ve kam-se-kam baarah ghanTe to befikree se sote hain.

adavaayan khinchee khaaT men jo paḌate hee aanand aataa hai.
vah saat svarg, apavarg, mokSh se bhee oo(n)chaa uTh jaataa hai.
jab 'sukh kee neend' kaḌhaa takiyaa, is sar ke neeche aataa hai,
to sach kahataa hoo(n) is sar men, injan jaisaa lag jaataa hai.
main mel Tren ho jaataa hoo(n), buddhi bhee phak-phak karatee hai.
bhaavon kaa rash ho jaataa hai, kavitaa sab umaḌee paḌatee hai.

main auron kee to naheen, baat pahale apanee hee letaa hoo(n).
main paḌaa khaaT par booTon ko oo(n)Ton kee upamaa detaa hoo(n).
main khaTaraagee hoo(n) mujhako to khaTiyaa men geet phooTate hain.
chhat kee kaḌiyaa(n) ginate-ginate chhandon ke bandh TooTate hain.
main iseelie to kahataa hoo(n) mere anubhav se kaam karo.
yah khaaT bichhaa lo aa(n)gan men, leTo, baiTho, aaraam karo.
- Gopalprasad Vyas

***
This Month :
'Ek Kavi Ka Antardwandw'
Vinay Saurabh


vah bahut udaas-see shaam thee
jab main us stree se milaa

mainne kahaa - main tumase prem karataa hoon
phir sochaa - yah kahanaa kitanaa naakaaph़ee hai
..

Read and listen here...
This Month :
'Vo Havaa Vaheen Thaharee Hai '
Prakash Devkulish


vo havaa vaheen Thaharee hai abhee tak
aur chhootee hai roj
lagabhag rok letee huee see
jab gujarane lagataa hoo(n) vahaa(n) se
jahaa(n) us din gujarate phon aa gayaa thaa tumhaaraa
aur thoḌee der ke lie aas paas
champaa ke phool khil aaye the
..

Read and listen here...
This Month :
'Teree Hansee Krishna Vivar See'
Punam Sinha


chhoTee see duniyaa
kitane saare log
raj tam sat kaa
vibhinn sanyog.
sahooliyat ke hisaab se
baa(n)T liyaa,
kitane naamon se
pukaar liyaa,
maanyataaon aur paramparaaon men
jakaḌ liyaa.
kisee ne kahaa-
too hai
kisee ne kahaa-
too naheen hai
... ..

Read and listen here...
random post | poem sections: shilaadhaar yugavaaNee nav-kusum kaavya-setu | pratidhwani | kaavya-lekh
submission | contact us | about us

a  MANASKRITI  website