Receive exquisite poems.
Vivashtaa
is baar naheen aa paaoongaa

         par nishchay hee yah hRday meraa
         bechainee se akulaaegaa
         kuchh neer nain bhar laaegaa
         par jag ke kaaryakalaapon se
         daaitvon ke anupaaton se
         haaroongaa, jeet n paaoongaa

is baar naheen aa paaoongaa

         jab sandhyaa kee antim laalee
         neelaanbar par bichh jaaegee
         nabh par chhitare ghanadal ke sang
         jab sandhyaa raaginee gaaegee
         man se kuchh kuchh sun to loongaa
         par saath naheen gaa paaoongaa

is baar naheen aa paaoongaa

         jab praatः kee manthar sameer
         vRkShon ko sahalaa jaaegee
         mandir kee ghanTee door kaheen
         prabhu kee mahimaa ko gaaegee
         tab joḌ yaheen se haathon ko
         apanaa praNaam pahunchaaoongaa

is baar naheen aa paaoongaa

         jab greeShm kaal kee hariyaalee
         amaraaee par chhaa jaaegee
         koohoo koohoo kar ke koyal
         ras aamon men bhar jaaegee
         ras ko peene kee jid karate
         man ko kaise samajhaaoongaa

is baar naheen aa paaoongaa

         jab iThalaate baadal ke dal
         poorab se jal bhar laaenge
         jab rang birange pankh khol
         kar mor nRty itaraaenge
         mere pag bhee kuchh thirakenge
         par naach naheen main paaoongaa

is baar naheen aa paaoongaa

         jab tyauhaaron ke aane kee
         raunak hogee baajaaron men
         khushaboo jaanee pahachaanee se
         bikharegee ghar chaubaaron men
         us khushaboo kee yaadon ko le
         main sapanon men kho jaaoongaa

is baar naheen aa paaoongaa
- Rajiv Saxena
Rajiv Saxena
Email : [email protected]
Rajiv Saxena
Email : [email protected]
Topic:
Expat (3)

***
Donate
A peaceful house of the beauty and solace of Hindi poetry, free from the noise of advertisements... to keep Kaavyaalaya like this, please donate.

₹ 500
₹ 250
Another Amount
This Month :
'Kuchh Prem Kavitaayein'
Pradeep Shukla


1.
prem kavitaa, kahaaniyaa(n) aur ph़ilmen
jahaa(n) tak le jaa sakatee hain
main gayaa hoo(n) usake paar
kaee baar.
ik ajeeb-see bechainee hotee hai vahaa(n)
jee karataa hai thaam loo(n) koee cheej
koee haath, koee sahaaraa.
main Tik naheen paataa vahaa(n) der tak.

suno,
abase
..

Read and listen here...
This Month :
'Swatantrataa Kaa Deepak'
Gopalsingh Nepali


ghor andhakaar ho, chal rahee bayaar ho,
aaj dvaar dvaar par yah diyaa bujhe naheen.
yah nisheeth kaa diyaa laa rahaa vihaan hai.

shakti kaa diyaa huaa, shakti ko diyaa huaa,
bhakti se diyaa huaa, yah svatantrataadiyaa,
ruk rahee n naav ho, zor kaa bahaav ho,
      aaj gangadhaar par yah diyaa bujhe naheen!
      yah svadesh kaa diyaa praaN ke samaan hai!
..

Read more here...
This Month :
'Yuddh Kee Vibheeshikaa'
Gajendra Singh


yuddh agar anivaary hai socho samaraangaN kaa kyaa hogaa?
aise hee chalataa rahaa samar to naee phasal kaa kyaa hogaa?

har or dhue(n) ke baadal hain, har or aag ye phailee hai.
bachapan kee aa(n)khen bhayaakraant, khaNDahar ghar, dharatee mailee hai.
chhaayaa nabh men kaalaa patajhaḌ, kho gayaa kahaa(n) neelaa manjar?
jharanon kaa gaanaa thaa kal tak, par aaj maut kee railee hai.

kilakaaree bharate ..

Read and listen here...
random post | poem sections: shilaadhaar yugavaaNee nav-kusum kaavya-setu | pratidhwani | kaavya-lekh
contact us | about us
Donate

a  MANASKRITI  website