Receive exquisite poems.
Vaidehi Kaa Mahaaprayaan
gat huee pradoShaa, miTaa saghan naishaandhakaar,
kholaa praachee ne baalaaruN -ravi -rashmi -dvaar,
khagakul kalarav kar uThaa, huaa sundar prabhaat
samprati saaket svaroop divy ras amRt-snaat.

phir huaa yagymanDap men nootan samaaroh,
suvishaal, alaukik divy anirvachaneey oh!
sur-nar-kinnar-gandharv padhaare sab satvar-
ho gaee bRhad ekatr sabhaa tatkShaN-sundar.

tadanantar aae mand-mand gati raghunandan,
thaa mlaan param samprati sundar ambhoj-vadan,
baiThe sundar-makh vedee par abhiraam raam-
gambheer sindhu-sam, chintaa-may vapu jalad shyaam.

janasindhu huaa kinchit aandolit taduparaant,
gambheer stabdhataa chhaaee jan-rav huaa shaant,
phir dRg uTh gaye pravesh-dvaar kee or tvarit-
dekhaa sabane vaalmeeki mahaaRShi ko vismit.

jo shanaiः shanaiः aa rahe aadi kavi usee or,
jan lage dekhane munivar ko shraddhaa-vibhor.
dheere-dheere peechhe-peechhe RShi ke seetaa,
aa rahee aho! kaushal naresh kee pariNeetaa.

karuNaa kee pratimaa, kusharoopaa, valkal-vasanaa
ujjaval sateetv se deeptivant, vinamr vadanaa,
ho rahe udit the kaal prabal gati se prerit,
vidhu-mukhamanDal par chinh vRddhataa ke kinchit,

kumhlaayaa vah, vidhuvadan paristhit raahu grasit-
jan-jan man aandolit kar karane lagaa vyathit.
unako vilok sur-nar-kinnar-gandharv-graam-
shraddhaa-vibhor ho uThe, kiyaa saadar praNaam.

kaushalapati kaatar mukh se vasumati ko nihaar,
rah gae Thage se bhoole muni-svaagat-vichaar,
kar uThaa kahaa RShivar ne kinchit ho saroSh-
raghunandan ke sameep aakar ghanaghor ghoSh -

"dooShaN jit, tribhuvanashiroratn, raghukulabhooShaN!
maryaadaa puruShottam, lokottam aghamarShaN!
he shaury-dhairy-sadaguN aakar raaghav mahaan!
ab bhee tum maa(n)g rahe vaidehee se pramaaN!

tumane apayash bhay se patipraaNaa seetaa kaa,
garbhiNee aur asahaayaa nij pariNeetaa kaa,
is divy satee kaa- nirmamataa ur dhar apaar-
kar diyaa tyaag le agni pareekShaa ek baar.

punarapi sateetv kaa tum pramaaN maa(n)gate aaj!
sab ke aage! samavet jahaa(n) vistRt samaaj -
to he raaghav! main anjali men le gangaajal -
seetaa sateetv kaa svayan pramaaN banaa avichal.

hai satat saadhanaa kee maine tap kiyaa ghor,
par, seetaa ke tap aage vah tap hai vibhor,
vaidehee kaa tap satat nirantar avikal kram-
hai mam tap se bhee adhik divyatam lokottam!

yadi kinchit bhee atyukti aur ho atiranjit
mam vachan, prabhoo! mam nikhil saadhanaa kar khanDit
to aap mujhe den raurav kaa ati danD ghor-
mere tap kaa phal naShT bhraShT hove athor.

gangaa jal dhaaraa dhaaraN kartaa shivashankar,
nij raudr nayan se bhasm karan vah pralayankar."
itanaa kahakar ho gaye maun muni-saadhak var-
sampoorN sabhaa men saadhuvaad kaa goo(n)jaa svar.

"jay-jay jagadambaa janak nandanee jay seetaa!"
sampoorN sabhaa men goo(n)j uThee gaurav geetaa.
vihval se ho shree raam, charaN men gir atishay -
munivar se bole - "dev kShamaa keeje avinay."

"kalyaaN tumhaaraa ho", kah kar aasheervachan
bole munivar vaidehee ko kar sambodhan -
"he putri! tumhen bhee yadi pramaaN hit kuchh kahanaa
to kaho aaj raghukulamaNi se, mat chup rahanaa."

sun vaalmeeki aadesh machaa phir aandolan,
jan-jan ke antarman men karuNaa huee saghan,
lakh bilakh uThe yah dRshy sulakShaN shree lakShmaN -
chaahaa punarapi len pakaḌ jaanakee chaaru charaN.

ho uThe bharat, marmaahat, au' ripudaman nayan
ho gae sajal jyon ghir aae hon saavan ghan,
chaahaa pad-raj chhoo kar karen kShamaayaachanaa tathaa -
abhivyakt karen maataa se apanee manovyathaa.

kausalyaa maataa hRday lagaane ko adheer -
ho uTheen, dauḌakar jaanaa chaahaa bheeḌ cheer,
cheetkaar kar uThee sakal prajaa, ro uThee dharaa -
nayanon se jharajhar nirjhar-saa jal satat jharaa.

chaahaa sabane - 'chaahie naheen hamako pramaaN,
aparaadh kShamaa ho devi! keejie kShamaadaan'
par leshamaatr bhee kiyaa naheen avasar pradaan-
seetaa ne, vasumati ko sambodhit kar nidaan -

yah kahaa mand svar se karuNaa se ot-prot
nispandit-saa karataa antar tal jan-srot -
"maa vasundhare! tum kShamaa moorti ho param achal!
pativrat men rahee tumhaare-sam yadi main avichal,

pativimukh svapn men bhee n rahee yahi vaidehee,
parapuruSh-dhyaan yadi kiyaa n mainne vaise hee-
to mujhe hRday men apanaa lo maa(n), aaj dhaam,
apane bheetar do maa(n), mujhako antim viraam.

jis se lajjaa-maryaadaa main rakh sakoo(n) achal,
main pee n sakoo(n)gee aur ghor apavaad garam,
tum ho maa(n), asharaN sharaN, akinchan kee sambal -
mujh deen-heen-abalaa ko lo maa(n), nij anchal.

main kaushalesh kee vadhu maa(n)gatee bheekh aaj,
rakh lo maataa meree maryaadaa aur laaj,
main jaaoo(n) ab kish Thaur niraashrit niraadhaar -
le lo maa(n), mujh dukhiyaa ko nij aanchal pasaar."

sun vaidehee seetaa kaa yah karuNaa krandan,
sakaruN kaatar au, dainyapoorN yah aavedan,
visphoT bhayankar huaa alaukik pralayankar -
ho gayaa videerN dhairy-pratibhaa bhoo kaa antar.

bhoodhar Dole, Dolaa achalaa kaa bhee aasan
bhookamp huaa is bhaa(n)ti huaa bheeShaN garjan,
pRthvee ne khanDit ho phailaa anchal saadar
seetaa ko apanaa liyaa, diyaa sinhaasanavar.

ho gaee dharaa men leen dharaa-tanayaa seetaa,
rah gaee dekhatee sakal prajaa hataprabh seetaa,
yon samaa gaee dharatee men dharatee kee kanyaa -
yash-sinhaasan-aaseen rahegee vah dhanyaa.
- Ram Niwas Fazalpuri

***
Donate
A peaceful house of the beauty and solace of Hindi poetry, free from the noise of advertisements... to keep Kaavyaalaya like this, please donate.

₹ 500
₹ 250
Another Amount
This Month :
'Jo Hawaa Mein Hai'
Umashankar Tiwari


jo havaa men hai, lahar men hai
kyon naheen vah baat
mujhamen hai?

shaam kandhon par lie apane
zindagee ke roo-b-roo chalanaa
roshanee kaa hamasafar honaa
umr kee kandeel kaa jalanaa
aag jo
jalate safar men...
..

Read and listen here...
This Month :
'Divya'
Goethe


Translated by ~ Priyadarshan

nek bane manuShy
udaar aur bhalaa;
kyonki yahee ek cheej़ hai
jo use alag karatee hai
un sabhee jeevit praaNiyon se
jinhen ham jaanate hain.

svaagat hai apnee...
..

Read and listen here...
होलोकॉस्ट में एक कविता
~ प्रियदर्शन

लेकिन इस कंकाल सी लड़की के भीतर एक कविता बची हुई थी-- मनुष्य के विवेक पर आस्था रखने वाली एक कविता। वह देख रही थी कि अमेरिकी सैनिक वहाँ पहुँच रहे हैं। इनमें सबसे आगे कर्ट क्लाइन था। उसने उससे पूछा कि वह जर्मन या अंग्रेजी कुछ बोल सकती है? गर्डा बताती है कि वह 'ज्यू' है। कर्ट क्लाइन बताता है कि वह भी 'ज्यू' है। लेकिन उसे सबसे ज़्यादा यह बात हैरानी में डालती है कि इसके बाद गर्डा जर्मन कवि गेटे (Goethe) की कविता 'डिवाइन' की एक पंक्ति बोलती है...

पूरा काव्य लेख पढ़ने यहाँ क्लिक करें
random post | poem sections: shilaadhaar yugavaaNee nav-kusum kaavya-setu | pratidhwani | kaavya-lekh
contact us | about us
Donate

a  MANASKRITI  website