Tumhaare Liye - Sarvesh Shukla. काव्यालय| Kaavyaalaya: House of Hindi Poetry

aaj bhee soory grahaN thaa
phir vahee udaas soonee saa(n)jh
dekh rahee thee
halkee baarish men
meree dhamaniyon men bahate hue lahoo kaa jamanaa
halkee halkee baarish
jo toophaan ke baad bhee toophaan ke hone kaa
ahasaas karaa rahee thee
main khud ko talaash rahaa thaa
sab kuchh ast vyast thaa
ateet ke kuchh panne abhee bhee
havaa men tair rahe the
aadhe geele aadhe sookhe
tabhee eeshvar aayaa
sab kuchh Thahar gayaa, baarish bhee
meree aakhen phailee thee prabhaapunj men
kuchh baj rahaa thaa mere kaanon men
eeshvar kyaa gaataa bhee hai?
yaa ye sangeet meree aatmaa kaa hai
pataa naheen
usakee (eeshvar) kaN kaN se
jharate prakaash se mainne banate dekhee
ek kRti
nanhee paree
usane muskuraate hue mere sar par haath pheraa
huaa pulakit pyaar kee nirmal chhaayaa men dagdh hRday meraa
sab kuchh badal diyaa usane
kShaN bhar men
goyaa usakee ha(n)see n ho
jaadooee chhaḌee ho
abhee bhee roz aatee hai udaas soonee saa(n)jh
roz aataa hai toophaan
roz aatee hai baarish
roz talaashataa hoo(n) main apane aapako
roz lagataa hai mere soory ko grahaN
par roz aa jaatee hai nanhee paree
apanee jaadooee muskaan ke saath
roz main marate marate jee jaataa hoo(n)
phir sangeet baj rahaa hai
kyaa eeshvar gaa rahaa hai
naheen ye to nanhee paree hai
main jaa rahaa hoo(n) usake paas
kuchh der ke lie sab kuchh bhulaane
sabase door usake paas
apane paas
alavidaa!!!

- Sarvesh Shukla

Sarvesh Shukla
email: [email protected]

Donate
A peaceful house of the beauty and solace of Hindi poetry, free from the noise of advertisements... to keep Kaavyaalaya like this, please donate.

₹ 500

₹ 250

Another Amount

This Month :
'Tumhaare Saath Rahkar'
Sarveshwardayal Saxena

tumhaare saath rahakar
aksar mujhe aisaa mahasoos huaa hai
ki dishaae(n) paas aa gayee hain,
har raastaa chhoTaa ho gayaa hai,
duniyaa simaTakar
ek aa(n)gan-see ban gayee hai
jo khachaakhach bharaa hai,
kaheen bhee ekaant naheen
n baahar, n bheetar.

har cheez kaa aakaar ghaT gayaa hai,
peḌ itane
..

Read more here...

This Month :
'Hamaaree Sahyatra'
Jyotsana Mishra

kabhee-kabhee jeevan koee ghoShaNaa naheen karataa—
vah bas bahataa hai,
jaise koee puraanaa raag,
dheere-dheere aatmaa men utarataa huaa,
binaa shor, binaa aagrah.

hamaare saath ke tees varSh poorN hue hain.
kabhee lagataa hai hamane samay ko jiyaa,
kabhee lagataa hai samay ne hamen taraashaa.
yah saath keval varSh naheen the—
yah do aatmaaon kaa maun sanvaad thaa,
jo shabdon se pare,
par bhaavon se bharapoor rahaa.

jab hamane saath chalanaa shuroo kiyaa,
tum the svapnadraShTaa—
shabdon ke jaadoogar,
bhaviShy ke rangeen rekhaachitron men Doobe hue.
aur main…
main thee vah zameen
..

Read and listen here...

This Month :
'Tum To Pahle Aise Naa The'
Satya Mishra

tum to pahale aise n the
raat biraat aaoge
der saver aaoge...
ham neend men rahen
aa(n)kh naa khule
to rooTh jaaoge...

svapn men aaoge
divaasvapn dikhaaoge
ham kalam uThaae(n)ge
to chhip jaaoge...

bechainiyon kaa kabhee
..

Read more here...

This Month :
'Kuchh Prem Kavitaayein'
Pradeep Shukla

1.
prem kavitaa, kahaaniyaa(n) aur ph़ilmen
jahaa(n) tak le jaa sakatee hain
main gayaa hoo(n) usake paar
kaee baar.
ik ajeeb-see bechainee hotee hai vahaa(n)
jee karataa hai thaam loo(n) koee cheej
koee haath, koee sahaaraa.
main Tik naheen paataa vahaa(n) der tak.

suno,
abase
..

Read and listen here...