kaakaa se kahane lage Thaakur Tharraa sing,
daaDh़ee streeling hai, blaauj़ hai pulling.
blaauj़ hai pulling, bhayankar g़latee kee hai,
mardon ke sir par Topee pagaD़ee rakh dee hai.
kah kaakaa kavi purooSh varg kee k़ismat khoTee,
misaraanee kaa jooD़aa, misaraa jee kee choTee.
dulhan kaa sindoor se shobhit huaa lalaaT,
doolhaa jee ke tilak ko rolee huee alOT.
rolee huee alOT, TOps, lOkeT, dastaane,
chhallaa, bichhuaa, haar, naam sab hain mardaane.
paDh़ee likhee yaa apaDh़ deviyaa(n) pahane baalaa,
streeling j़njeer gale laTakaate laalaa.
laalee jee ke saamane laalaa pakaD़en kaan,
unakaa ghar pulling hai, streeling hai dukaan.
streeling dukaan, naam sab kisane chhaa(n)Te,
kaajal, paauDar, hain pulling naak ke kaa(n)Te.
kah kaakaa kavi dhany vidhaataa bhed n jaanaa,
moo(n)chh mardon ko milee, kintu hai naam janaanaa.
aisee-aisee sainkaD़on apane paas misaal,
kaakee jee kaa maayakaa, kaakaa kee sasuraal.
kaakaa kee sasuraal, bachaao kRShNamuraaree,
unakaa belan dekh kaa(n)patee chhaD़ee hamaaree.
kaise jeet sakenge unase karake jhagaD़aa,
apanee chimaTee se unakaa chimaTaa hai tagaD़aa.
mantree, santaree, vidhaayak sabhee shabd pulling,
to bhaarat sarakaar phir kyon hai streeling?
kyon hai streeling, samajh men baat naa aatee,
nabbe pratishat mard, kintu sansad kahalaatee.
kaakaa bas men chaDh़e ho gae nar se naaree,
kaNDakTar ne kahaa aa gaee ek savaaree.
