rangon kee mRgatRShNaa kaheen
Daratee hai kainavas kee us saadagee se
jise aakRti ke maadhyam kee aavashyakataa naheen
jo kuchh rache jaane ke liye
naShT hone ko hai taiyaar.
sveekaary hai use meree,
kaa(n)patee ungaliyon kee asthirataa
mere aparipakv arthon kee maanyataayen
mere aspaShT bhaavon kaa vikaar.
tabhee to tab se ab tak
yadyapi bahut baar
ekatrit kiyaa rekhaaon ko,
rachane bhee chaahe seemaaon se
man ke vistaar
phir bhee kalpanaa ko aakRti naa milee
naa koee paryaay, naa koee naam
bichhee hai ab tak mere aur kainavas ke beech
ek anavarat prateekShaa
jo DhoonDh rahee hai apanee boyee riktataaon men
apanee hee sRShTi kaa saar.
-
Anshu Johri
