nau asam ank, aur ek sam aadhaar,
‘aadi’ se ‘ant’ tak juḌaa vah bechhor vakree aakaar, ‘shoony’.
subah ke uttejit mukh par chhiTakaa sindoor,
paraajit shaam kee ragon men ThanDaa hotaa khoon!
jheel kee aseem shaanti men soyaa,
saagar laaharon ke taaNDav men khoyaa .
neele aakaash kee riktataa se rikt,
aakaash gangaa ke taaron men phailaa vistRt,
vishaal ‘shoony’ .
taruNee ke chanchal nayanon kee thaah,
‘prem – moh’ ke madhy vah sankaree see raah .
sambandhon ke chauraahe par, sankalpon kaa peD़,
tin – tin kar jharate patte, yah mausam kaa pher .
khaNDit, bojhil hRday kaa ekaant,
man – mastiShk kaa chalataa yudhd nitaant .
sab ‘shoony’ .
svaarth ke manch par bhaavanaaon se kreeD़aa,
patthar toD़te naaj़uk hRday kee peeD़aa .
tark tak seemit vah gyaan,
prakRti se joojhataa, asaphal vigyaan .
laashon ke Dher par janatantr kee pataakaa,
‘utpatti’ ke naam par eTam – bam kaa dhamaakaa .
aur phir ‘shoony’ .
par ‘aatm’ bekal bhaTakataa hai, paramaatm paane ko,
viDambanaaon aur aasthaaon kee bheeD़ men ,
khojataa ‘shoony’ ko ek ‘shoony’ .
-
Sanjeev Sharma
