phir kaheen madhumaas kee padachaap sun,
Daal menhadee kee lajeelee ho gaee.
door tak amaraaiyon, vanaveethiyon men
lagee sandal havaa chupake paa(n)v rakhane,
raat-din phir kaan aahaT par lagaae
lagaa mahuaa gandh kee bolee parakhane
divas maadak hosh khoe lag rahe,
saa(n)jh phaagun kee nasheelee ho gaee.
ha(n)see shaakhon par ku(n)vaaree manjaree
phir kaheen Tesoo ke sulage ang-ang,
lauT kar paradesh se chupachaap phir,
bas gayaa kusumee lataaon par anang
chup khaḌee sarason kee goree see hathelee
Doob kar haldee men peelee ho gaee.
phir uḌaa rah-rah ke aa(n)gan men abeer
phir jhaḌe dahaleej par maadak gulaal,
chhoḌ chandan-van chalee sapanon ke gaanv
gandh kunkum ke gale men baa(n)h Daal
aur hone ke lie rangon se lathapath
reshamee choonar haTheelee ho gaee.
