Prateekshaa Ke Pal - Mahima Bokariya. काव्यालय| Kaavyaalaya: House of Hindi Poetry

jahaa(n) bhee dekhoo(n) tumheen ho har or
prateekShaa ke pal, phir kahaa(n) kis or ..

chehare par aruNaaee see khil jaatee
dhaḌakanen spandan ban machal jaatee
yaadon kee baarish men, naache man mor ..

kab tanhaa jab saath tum, ban parachhaaee
saath dekh tumhaaraa khudaa bhee maange meree tanhaaee
mere har kShaN ko sajaayaa, tumane chitt chor ..

mere sang chaand bhee karataa rahataa intazaar
teree har baat ko usase kahaa mainne kitanee baar
phir bhee sunataa muskuraakar, jab tak n hotee bhor ..

tumhaare lie hoo(n) main shaayad, bahut door
tum par paas mere, jitanaa aa(n)khon ke noor
meree saa(n)son ko baa(n)dhe, tere sneh kee Dor ..

- Mahima Bokariya

Mahima Bokariya
Email: [email protected]

Donate
A peaceful house of the beauty and solace of Hindi poetry, free from the noise of advertisements... to keep Kaavyaalaya like this, please donate.

₹ 500

₹ 250

Another Amount

This Month :
'Shrishti Kaa Saar'
Anshu Johri

rangon kee mRgatRShNaa kaheen
Daratee hai kainavas kee us saadagee se
jise aakRti ke maadhyam kee aavashyakataa naheen
jo kuchh rache jaane ke liye
naShT hone ko hai taiyaar.

sveekaary hai use meree,
kaa(n)patee ungaliyon kee asthirataa
..

Read and listen here...

This Month :
'Lekhak'
Aashish Qureshi 'Mahid'

kh़aalee pannaa kisee khet saa
paD़aa rahataa hai ujaaD़.
k़lam kee nok hee banatee hai
kudaal, ha(n)siyaa aur hal.

hal, jo yaadon ko kuredate hue
ateet ko kharonchate hue
..

Read and listen here...

This Month :
'Gunaah Kaa Geet'
Dharmveer Bharati

agar mainne kisee ke ho(n)Th ke paaTal kabhee choome
agar mainne kisee ke nain ke baadal kabhee choome
      mahaj isase kisee kaa pyaar mujhako paap kaise ho?
      mahaj isase kisee kaa svarg mujh par shaap kaise ho?

   tumhaaraa man agar seenchoo(n)
   gulaabee tan agar seechoo(n) taral malayaj jhakoron se!
   tumhaaraa chitr kheenchoo(n) pyaas ke rangeen Doron se
kalee-saa tan, kiran-saa ..

Read and listen here...