peḌ naheen hain, uThee huee
dharatee kee baahen hain
tere mere lie maa(n)gatee
roj duaae(n) hain.
peḌ naheen hain ye dharatee kee
khulee nigaahen hain
tere mere lie niraapad
karatee raahe hain.
peḌ naheen ye panapee dharatee
gaahe gaahe hain
tere mere jee lene kee
vividh vidhaae(n) hain.
peḌ naheen ye dharatee ne
yatn juTaae hain
tere mere liai khushee ke
ratn luTaaye hain.
peḌ naheen ye dharatee ne
chitr banaae hain
tere mere lie anekon
mitr juTaae hain.
peḌ naheen ye dharatee ne
cha(n)var Dulaae hain.
tere mere liai chhaa(n)h ke
gagan chhavaae hain.
peḌ naheen ye dharatee ne
alakh jagaae hain
tere mere 'Dhoo(n)Dh' ke
jatan jataae hain.
peḌ naheen hai astitvon ke
beej bijaae hain
tere mere jeene ke
vishvaas juḌaae hain.
-
Marudhar Mridul
Poet's Address: Ganeshlal Ustad Marg,
71, Nehru Park, Jodhpur-342003
Ref: Naye Purane, 1999
English translation of this poem by Vani Murarka:
"Trees, me and everyone"
