naheen tum pravesh naheen
kar sakate yahaa(n)
daravaaje band hain tumhaare lie
yah khaalaa kaa ghar naheen
ki jab chaahaa chale aaye
pahale saabit karo khud ko
jaao chaDh़ jaao
saamane khaD़ee choTee par
kaheen rukanaa naheen
kisee se raastaa mat poochhanaa
paanee peene ke lie
jalaashay par Thaharanaa naheen
saavadhaan rahanaa
aage baDh़te hue
phalon se lade peD़ dekh
chakhane kee aaturataa men
ulajhanaa naheen
bhookh se aakul n ho jaanaa
jab shikhar bilkul paas ho
tab bhee phisal sakate ho
paanv jamaakar rakhanaa
choTee par pahu(n)ch jaao to
neeche hajaar phuT gaharee
khaaee men chhalaang lagaa denaa
aur aa jaanaa
daravaajaa khulaa milegaa
yaa phir apanee aa(n)khen
chaDh़aa do mere charaNon men
tumhaare antarachakShu
khol doongaa main
apanee jihvaa katar do
ajasr svaad ke
srot se joD़ doongaa tujhe
karNadvay alag kar do
apane shareer se
tumhaare bheetar baansuree
baj uThegee tatkShaN
kheench lo apanee khaal
bhar doongaa tumhen
aanand ke spandanasparsh se
parantu andar naheen
aa sakoge itane bhar se
jaao, vedee par rakhee
talavaar uThaa lo
apanaa sar kaaTakar
le aao apanee hathelee
par samhaale
daravaajaa khulaa milegaa
yah prem kaa ghar hai
yahaa(n) sheesh utaare binaa
koee naheen paataa pravesh
yahaa(n) itanee jagah naheen
ki do samaa jaae(n)
aanaa hee hai to miTakar aao
daravaajaa khulaa milegaa.
-
Subhash Rai
