main deepashikhaa see jaloon tumhaare path par.
meraa saaraa sansaar nichhaavar tum par.

meree aashaa, abhilaaShaaon ke udgam.
mere suhaag, mere singaar ke sangam.

mere ateet, mere bhaviShy ke darpaN.
meraa sateetv, naareetv tumhee ko arpaN.
..

sajal jeevan kee siharatee dhaar par,
lahar banakar yadi baho, to le chaloo(n).

yah n mujhase poochhanaa, main kis dishaa se aa rahaa hoo(n),
hai kahaa(n) vah charaNarekhaa, jo ki dhone jaa rahaa hoo(n),
pattharon kee choT jab ur par lage,
ek hee "kalakal" kaho, to le chaloo(n).

sajal jeevan kee siharatee dhaar par,
lahar banakar yadi baho, to le chaloo(n).

maarg men tumako milenge vaat ke pratikool jhonke,
dRḌh shilaa ke khaND honge daanavon se raah roke,
yadi prapaaton ke bhayaanak tumul men,
bhool kar bhee bhay n ho, to le chaloo(n).

sajal jeevan kee siharatee dhaar par,
..