Receive exquisite poems.
Man Harit Kshan Peet Paraag Hai
nanhee lataa, vallaree kShaNikaa
joohee chaa(n)danee heerak kaNikaa

ban ke phoolon kee mahak-mahak
kShaN-kShaN saarthak karatee jaise

kabhee bakul phoolon kee miThaas men
soory dharaa par vicharaN karataa

kabhee ye nanhee paakhee jaisaa
daanaa chugane nanhaa-nanhaa

kabhee nabh vihag jo svatantr jeev saa
hiraN kulaa(n)che maaraa karataa

kabhee to man-man jap-jap karate
vRkSh saamraajy saa nRp ho jaataa

neel gagan rangeen vasant kaa
kitanaa ras paraag saa bahataa

prakRti kee sundar see chhaTaa kaa
roop-roop kastooree hotaa

jharate jo jharane kal-kal ye
sur santooree man men sajate

parvat kee chhaatee jo toḌe
us jal ko jag sanpadaa bataate

kaN-kaN shvet-shvet ujjaval hai
dharaa prakRti kee kalakal hai

mokSh dharaa par jeevit hotaa
guphaa-kandaraa pulakit karataa

onsakaNon se nahalaakar jo
apane kShaNon ko pavitr karataa

kitane sheetal ye sanskaar hai
puShpaguchchh saundaryadaan hai

utsavarat is harit dharaa par
peet paraag saundary paan hai

vRkSh gaganachunbee aashray hai
vaT ke jaise aadarsh sakal hai

paavan poojan ke hetu se
naaree-prakRti kaa dharm milan hai

harit chaadar yah upavan, van-van
man ko sukomal karatee see

dharatee kee urvaraa sRjan kaa
geet avirat yah gaatee see

paatee-paatee ke man kee gaathaa
maa(n) prakRti ko sunaatee see

gaharaaee samajh kee mahakee
tyaag vasundharaa saa paaee see

chir utsav kee paranparaa hai
heerak, muktak, maaNik see

joohee, ons aur laal gulaab see
ratn-ratn men samaaee see

shubh kShaN peet gendaa shevantee
aajanm vidaaee bharatee see

mahak-mahak ke raag sunaakar
jeevan prabhaat ko gunatee see

puShp-puShp kee malikaa banakar
rahee prakRti maataa see

van-van kee sanpadaa juTaatee
shaanti vaibhav kee svaaminee see

aatmatatv kee aashrayasthalee vah
him-him tapatee agni see

ujjval is dharaa kee eeshvaree
shakti sanpann adhikaariNee see

naman-naman he aady shakti kaa
sakal suphal aaraadhyaa see
- Antara Karvade
Antara Karvade
Email : [email protected]
Antara Karvade
Email :
[email protected]
Topic:
Nature (41)
Spiritual Philosophical (36)

***
Donate
A peaceful house of the beauty and solace of Hindi poetry, free from the noise of advertisements... to keep Kaavyaalaya like this, please donate.

₹ 500
₹ 250
Another Amount
This Month :
'Hamaaree Sahyatra'
Jyotsana Mishra


kabhee-kabhee jeevan koee ghoShaNaa naheen karataa—
vah bas bahataa hai,
jaise koee puraanaa raag,
dheere-dheere aatmaa men utarataa huaa,
binaa shor, binaa aagrah.

hamaare saath ke tees varSh poorN hue hain.
kabhee lagataa hai hamane samay ko jiyaa,
kabhee lagataa hai samay ne hamen taraashaa.
yah saath keval varSh naheen the—
yah do aatmaaon kaa maun sanvaad thaa,
jo shabdon se pare,
par bhaavon se bharapoor rahaa.

jab hamane saath chalanaa shuroo kiyaa,
tum the svapnadraShTaa—
shabdon ke jaadoogar,
bhaviShy ke rangeen rekhaachitron men Doobe hue.
aur main…
main thee vah zameen
..

Read and listen here...
This Month :
'Tum To Pahle Aise Naa The'
Satya Mishra


tum to pahale aise n the
raat biraat aaoge
der saver aaoge...
ham neend men rahen
aa(n)kh naa khule
to rooTh jaaoge...

svapn men aaoge
divaasvapn dikhaaoge
ham kalam uThaae(n)ge
to chhip jaaoge...

bechainiyon kaa kabhee
..

Read more here...
This Month :
'Kuchh Prem Kavitaayein'
Pradeep Shukla


1.
prem kavitaa, kahaaniyaa(n) aur ph़ilmen
jahaa(n) tak le jaa sakatee hain
main gayaa hoo(n) usake paar
kaee baar.
ik ajeeb-see bechainee hotee hai vahaa(n)
jee karataa hai thaam loo(n) koee cheej
koee haath, koee sahaaraa.
main Tik naheen paataa vahaa(n) der tak.

suno,
abase
..

Read and listen here...
random post | poem sections: shilaadhaar yugavaaNee nav-kusum kaavya-setu | pratidhwani | kaavya-lekh
contact us | about us
Donate

a  MANASKRITI  website