Receive exquisite poems.
Lo Wahi Hua
lo vahee huaa jisakaa thaa Dar,
naa rahee nadee, naa rahee lahar.

      sooraj kee kiran dahaaḌ gaee,
      garamee har deh ughaaḌ gaee,
      uTh gayaa bavanDar, dhool havaa men -
      apanaa jhanDaa gaaḌ gaee,
gauraiyaa haa(n)ph rahee Dar kar,
naa rahee nadee, naa rahee lahar.

      har or umas ke charche hain,
      bijalee pankhon ke kharche hain,
      booḌhe mahue ke haathon se,
      uḌ rahe havaa men parche hain,
"chalanaa saathee loo se bach kar".
naa rahee nadee, naa rahee lahar.

      sankalp himaalay saa galataa,
      saaraa din bhaTThee saa jalataa,
      man bhare hue, sab Dare hue,
      kis kee himmat, baahar hilataa,
hai khaḌaa soory sar ke oopar,
naa rahee nadee naa rahee lahar.

      bojhil raaton ke madhy pahar,
      chhaparee se chandrakiraN chhanakar,
      likh rahee nayaa naaraa koee,
      in tapee huee deevaaron par,
kyaa baa(n)choo(n) sab thothe aakhar,
naa rahee nadee naa rahee lahar.
- Dinesh Singh
Ref: Naya Prateek, October,1976
Topic:
Nature (41)
Summer (2)

***
Donate
A peaceful house of the beauty and solace of Hindi poetry, free from the noise of advertisements... to keep Kaavyaalaya like this, please donate.

₹ 500
₹ 250
Another Amount
This Month :
'Hamaaree Sahyatra'
Jyotsana Mishra


kabhee-kabhee jeevan koee ghoShaNaa naheen karataa—
vah bas bahataa hai,
jaise koee puraanaa raag,
dheere-dheere aatmaa men utarataa huaa,
binaa shor, binaa aagrah.

hamaare saath ke tees varSh poorN hue hain.
kabhee lagataa hai hamane samay ko jiyaa,
kabhee lagataa hai samay ne hamen taraashaa.
yah saath keval varSh naheen the—
yah do aatmaaon kaa maun sanvaad thaa,
jo shabdon se pare,
par bhaavon se bharapoor rahaa.

jab hamane saath chalanaa shuroo kiyaa,
tum the svapnadraShTaa—
shabdon ke jaadoogar,
bhaviShy ke rangeen rekhaachitron men Doobe hue.
aur main…
main thee vah zameen
..

Read and listen here...
This Month :
'Tum To Pahle Aise Naa The'
Satya Mishra


tum to pahale aise n the
raat biraat aaoge
der saver aaoge...
ham neend men rahen
aa(n)kh naa khule
to rooTh jaaoge...

svapn men aaoge
divaasvapn dikhaaoge
ham kalam uThaae(n)ge
to chhip jaaoge...

bechainiyon kaa kabhee
..

Read more here...
This Month :
'Kuchh Prem Kavitaayein'
Pradeep Shukla


1.
prem kavitaa, kahaaniyaa(n) aur ph़ilmen
jahaa(n) tak le jaa sakatee hain
main gayaa hoo(n) usake paar
kaee baar.
ik ajeeb-see bechainee hotee hai vahaa(n)
jee karataa hai thaam loo(n) koee cheej
koee haath, koee sahaaraa.
main Tik naheen paataa vahaa(n) der tak.

suno,
abase
..

Read and listen here...
random post | poem sections: shilaadhaar yugavaaNee nav-kusum kaavya-setu | pratidhwani | kaavya-lekh
contact us | about us
Donate

a  MANASKRITI  website