Mukriyaan - Amir Khusro. काव्यालय| Kaavyaalaya: House of Hindi Poetry

raat samay vah mere aave. bhor bhaye vah ghar uThi jaave..
yah acharaj hai sabase nyaaraa. ai sakhi saajan? naa sakhi taaraa..

nange paa(n)v phiran nahin det. paa(n)v se miTTee lagan nahin det..
paa(n)v kaa choomaa let nipootaa. ai sakhi saajan? naa sakhi jootaa..

vah aave tab shaadee hoy. us bin doojaa aur n koy..
meeThe laagen vaake bol. ai sakhi saajan? naa sakhi Dhol..

jab maa(n)goo tab jal bhari laave. mere man kee tapan bujhaave..
man kaa bhaaree tan kaa chhoTaa. ai sakhi saajan? naa sakhi loTaa..

ber-ber sovatahin jagaave. naa jaagoo(n) to kaaTe khaave..
vyaakul huee main hakkee bakkee. ai sakhi saajan? naa sakhi makkhee..

ati surang hai rang rangeelo. hai guNavant bahut chaTakeelo..
raam bhajan bin kabhee n sotaa. kyon sakhi saajan? naa sakhi totaa..

ardh nishaa vah aayaa bhaun. sundarataa barane kavi kaun..
nirakhat hee man bhayo anand. kyon sakhi saajan? naa sakhi chand..

shobhaa sadaa baḌhaavan haaraa. aa(n)khin se chhin hot n nyaaraa..
aaTh pahar mero manaranjan. kyon sakhi saajan? naa sakhi anjan..

jeevan sab jag jaason kahai. vaa binu nek n dheeraj rahai..
harai chhinak men hiy kee peer. kyon sakhi saajan? naa sakhi neer..

bin aaye sabaheen sukh bhoole. aaye te a(n)g-a(n)g sab phoole..
seeree bhaee lagaavat chhaatee. kyon sakhi saajan? naa sakhi paati..

- Amir Khusro
Recited by: Shikha Gupta

Donate
A peaceful house of the beauty and solace of Hindi poetry, free from the noise of advertisements... to keep Kaavyaalaya like this, please donate.

₹ 500

₹ 250

Another Amount

This Month :
'Shrishti Kaa Saar'
Anshu Johri

rangon kee mRgatRShNaa kaheen
Daratee hai kainavas kee us saadagee se
jise aakRti ke maadhyam kee aavashyakataa naheen
jo kuchh rache jaane ke liye
naShT hone ko hai taiyaar.

sveekaary hai use meree,
kaa(n)patee ungaliyon kee asthirataa
mere aparipakv arthon kee
mere aspaShT bhaavon kaa vikaar.

tabhee to tab se ab tak
yadyapi bahut baar
ekatrit kiyaa rekhaaon ko,
rachane bhee chaahe seemaaon se
man ke vistaar

phir bhee kalpanaa ko aakRti naa milee
naa koee paryaay, naa koee naam
bichhee hai ab tak mere aur kainavas ke beech
ek anavarat prateekShaa
jo DhoonDh rahee hai apanee boyee riktataaon men
apanee hee sRShTi kaa saar.
..

Read and listen here...

This Month :
'Lekhak'
Aashish Qureshi 'Mahid'

kh़aalee pannaa kisee khet saa
paD़aa rahataa hai ujaaD़.
k़lam kee nok hee banatee hai
kudaal, ha(n)siyaa aur hal.

hal, jo yaadon ko kuredate hue
ateet ko kharonchate hue
..

Read and listen here...

This Month :
'Gunaah Kaa Geet'
Dharmveer Bharati

agar mainne kisee ke ho(n)Th ke paaTal kabhee choome
agar mainne kisee ke nain ke baadal kabhee choome
      mahaj isase kisee kaa pyaar mujhako paap kaise ho?
      mahaj isase kisee kaa svarg mujh par shaap kaise ho?

   tumhaaraa man agar seenchoo(n)
   gulaabee tan agar seechoo(n) taral malayaj jhakoron se!
   tumhaaraa chitr kheenchoo(n) pyaas ke rangeen Doron se
kalee-saa tan, kiran-saa ..

Read and listen here...