Kaho Kaise Ho - Chandrasen Virat. काव्यालय| Kaavyaalaya: House of Hindi Poetry

                       lauT rahaa hoo(n) main ateet se
                       dekhoo(n) pratham tumhaare tevar
                       mere samay! kaho kaise ho?

shor-sharaabaa cheeḳh-pukaaren saḌaken bheeḌ dukaanen hoTal
sab saamaan bahut hai lekin gaayak dard naheen hai keval
                       lauT rahaa hoo(n) main agey se
                       sochaa tum se milataa jaaoo(n)
                       mere geet! kaho kaise ho?
bhavan aur bhavanon ke jangal chaḌhate aur utarate zeene
yahaa(n) aadamee kahaa(n) milegaa sirf masheenen aur masheenen
                       lauT rahaa hoo(n) main yathaarth se
                       man ho aayaa tumhen bhenT loo(n)
                       mere svapn! kaho kaise ho?
nasl manuj kee chalee miTaatee yah laave kee ek nadee hai
yuddhon kaa aatank n poochho ḳhabaradaar beesaveen sadee hai
                       lauT rahaa hoo(n) main videsh se
                       sab se pahale kushal poo(n)chh loo(n)
                       mere desh! kaho kaise ho?
yah sabhyataa numaaish jaise log naheen hain sirf mukhauTe
Theek manuShy naheen hai koee kad se oo(n)che man se chhoTe
                       lauT rahaa hu(n) main jangal se
                       sochaa tumhe dekhataa jaaoo(n)
                       mere manuj! kaho kaise ho?
jeevan kee in raftaaron ko ab bhee baa(n)dhe kachchaa dhaagaa
subah gayaa ghar shaam n lauTe us se baḌh kar kaun abhaagaa
                       lauT rahaa hoo(n) main bichhoh se
                       pahale tumhen baa(n)h men bhar loo(n)
                       mere pyaar! kaho kaise ho?

- Chandrasen Virat

Ref: Naya Prateek, September,1976

Donate
A peaceful house of the beauty and solace of Hindi poetry, free from the noise of advertisements... to keep Kaavyaalaya like this, please donate.

₹ 500

₹ 250

Another Amount

This Month :
'Kuchh Prem Kavitaayein'
Pradeep Shukla

1.
prem kavitaa, kahaaniyaa(n) aur ph़ilmen
jahaa(n) tak le jaa sakatee hain
main gayaa hoo(n) usake paar
kaee baar.
ik ajeeb-see bechainee hotee hai vahaa(n)
jee karataa hai thaam loo(n) koee cheej
koee haath, koee sahaaraa.
main Tik naheen paataa vahaa(n) der tak.

suno,
abase
..

Read and listen here...

This Month :
'Swatantrataa Kaa Deepak'
Gopalsingh Nepali

ghor andhakaar ho, chal rahee bayaar ho,
aaj dvaar dvaar par yah diyaa bujhe naheen.
yah nisheeth kaa diyaa laa rahaa vihaan hai.

shakti kaa diyaa huaa, shakti ko diyaa huaa,
bhakti se diyaa huaa, yah svatantrataadiyaa,
ruk rahee n naav ho, zor kaa bahaav ho,
aaj gangadhaar par yah diyaa bujhe naheen!
yah svadesh kaa diyaa praaN ke samaan hai!
..

Read more here...

This Month :
'Yuddh Kee Vibheeshikaa'
Gajendra Singh

yuddh agar anivaary hai socho samaraangaN kaa kyaa hogaa?
aise hee chalataa rahaa samar to naee phasal kaa kyaa hogaa?

har or dhue(n) ke baadal hain, har or aag ye phailee hai.
bachapan kee aa(n)khen bhayaakraant, khaNDahar ghar, dharatee mailee hai.
chhaayaa nabh men kaalaa patajhaḌ, kho gayaa kahaa(n) neelaa manjar?
jharanon kaa gaanaa thaa kal tak, par aaj maut kee railee hai.

kilakaaree bharate ..

Read and listen here...