Receive exquisite poems.
Jugalbandi
jab tantriyon par phisalatee chhuan
naabhi par naachatee mizaraab se
abhimantrit kar detee sitaar ko
bheetar kaa samoochaa reetaapan
bhar uThataa hai.
registaanee saanpon kee sarasaraahaTon
jangalee baason kee seeTiyon
bijalee kee cheetkaaron
siyaaron kee huaa huaa
tane ragaḌate haatheeyon ke garajane
bhainson ke seeng bhiḌane se
phooT paḌataa hai suron kaa jangalee jharanaa

jharane kaa veg
chehare par sahejate
baandh lete hain tabale
samooche jangal ko
apanee baanhon men
sur paar karane lagatee hain pagaDanDiyaan
vilambit par chalatee
drut par dauḌatee
toḌe kee Taapon TaTakaaratee
jhaale men jhanakane lagateen hain
havaa kuchh neeche aa Thahar jaatee hai
aakaash bhee jhaankane lagataa hai

kise naheen chaahie khushee
anakh reetepan ke bharaav ke liye.
- Rati Saxena
Rati Saxena
K.P. XI/624 Vaijayant
Chettikunnu, Medical College P.O.
Thiruvananthapuram 685011
Email : [email protected]
Topic:
Sensuality (5)

***
Donate
A peaceful house of the beauty and solace of Hindi poetry, free from the noise of advertisements... to keep Kaavyaalaya like this, please donate.

₹ 500
₹ 250
Another Amount
This Month :
'Hamaaree Sahyatra'
Jyotsana Mishra


kabhee-kabhee jeevan koee ghoShaNaa naheen karataa—
vah bas bahataa hai,
jaise koee puraanaa raag,
dheere-dheere aatmaa men utarataa huaa,
binaa shor, binaa aagrah.

hamaare saath ke tees varSh poorN hue hain.
kabhee lagataa hai hamane samay ko jiyaa,
kabhee lagataa hai samay ne hamen taraashaa.
yah saath keval varSh naheen the—
yah do aatmaaon kaa maun sanvaad thaa,
jo shabdon se pare,
par bhaavon se bharapoor rahaa.

jab hamane saath chalanaa shuroo kiyaa,
tum the svapnadraShTaa—
shabdon ke jaadoogar,
bhaviShy ke rangeen rekhaachitron men Doobe hue.
aur main…
main thee vah zameen
..

Read and listen here...
This Month :
'Tum To Pahle Aise Naa The'
Satya Mishra


tum to pahale aise n the
raat biraat aaoge
der saver aaoge...
ham neend men rahen
aa(n)kh naa khule
to rooTh jaaoge...

svapn men aaoge
divaasvapn dikhaaoge
ham kalam uThaae(n)ge
to chhip jaaoge...

bechainiyon kaa kabhee
..

Read more here...
This Month :
'Kuchh Prem Kavitaayein'
Pradeep Shukla


1.
prem kavitaa, kahaaniyaa(n) aur ph़ilmen
jahaa(n) tak le jaa sakatee hain
main gayaa hoo(n) usake paar
kaee baar.
ik ajeeb-see bechainee hotee hai vahaa(n)
jee karataa hai thaam loo(n) koee cheej
koee haath, koee sahaaraa.
main Tik naheen paataa vahaa(n) der tak.

suno,
abase
..

Read and listen here...
random post | poem sections: shilaadhaar yugavaaNee nav-kusum kaavya-setu | pratidhwani | kaavya-lekh
contact us | about us
Donate

a  MANASKRITI  website