Itne Oonche Utho
itane oo(n)che uTho ki jitanaa uThaa gagan hai.
      dekho is saaree duniyaa ko ek dRShTi se
      sinchit karo dharaa, samataa kee bhaav vRShTi se
           jaati bhed kee, dharm-vesh kee
           kaale gore rang-dveSh kee
           jvaalaaon se jalate jag men
itane sheetal baho ki jitanaa malay pavan hai..

naye haath se, vartamaan kaa roop sa(n)vaaro
nayee toolikaa se chitron ke rang ubhaaro
           naye raag ko nootan svar do
           bhaaShaa ko nootan akShar do
           yug kee nayee moorti-rachanaa men
itane maulik bano ki jitanaa svayan sRjan hai..

lo ateet se utanaa hee jitanaa poShak hai
jeerN-sheerN kaa moh mRtyu kaa hee dyotak hai
           toḌo bandhan, ruke n chintan
           gati, jeevan kaa saty chirantan
           dhaaraa ke shaashvat pravaah men
itane gatimay bano ki jitanaa parivartan hai.

chaah rahe ham is dharatee ko svarg banaanaa
agar kaheen ho svarg, use dharatee par laanaa
           sooraj, chaa(n)d, chaa(n)danee, taare
           sab hain pratipal saath hamaare
           do kuroop ko roop salonaa
itane sundar bano ki jitanaa aakarShaN hai..
- Dwarika Prasad Maheshwari
Pub: Indore University Press Pvt. Ltd.
30/7, Shakti Nagar, Delhi - 110007

***
This Month :
'Ek Kavi Ka Antardwandw'
Vinay Saurabh


vah bahut udaas-see shaam thee
jab main us stree se milaa

mainne kahaa - main tumase prem karataa hoon
phir sochaa - yah kahanaa kitanaa naakaaph़ee hai
..

Read and listen here...
This Month :
'Vo Havaa Vaheen Thaharee Hai '
Prakash Devkulish


vo havaa vaheen Thaharee hai abhee tak
aur chhootee hai roj
lagabhag rok letee huee see
jab gujarane lagataa hoo(n) vahaa(n) se
jahaa(n) us din gujarate phon aa gayaa thaa tumhaaraa
aur thoḌee der ke lie aas paas
champaa ke phool khil aaye the
..

Read and listen here...
This Month :
'Teree Hansee Krishna Vivar See'
Punam Sinha


chhoTee see duniyaa
kitane saare log
raj tam sat kaa
vibhinn sanyog.
sahooliyat ke hisaab se
baa(n)T liyaa,
kitane naamon se
pukaar liyaa,
maanyataaon aur paramparaaon men
jakaḌ liyaa.
kisee ne kahaa-
too hai
kisee ne kahaa-
too naheen hai
... ..

Read and listen here...
random post | poem sections: shilaadhaar yugavaaNee nav-kusum kaavya-setu | pratidhwani | kaavya-lekh
submission | contact us | about us

a  MANASKRITI  website