Receive exquisite poems.
Hum Bhee Waapas Jaayeinge
aabaadee se door,
ghane sannaaTe men,
nirjan van ke peechhe vaalee,
oo(n)chee ek pahaaḌee par,
ek sunaharee see gauraiyaa,
apane pankhon ko phailaakar,
gumasum baiThee soch rahee thee,
kal phir main uḌ jaaoo(n)gee,
paar karoo(n)gee is jangal ko.
vahaa(n) door jo mahake jal kee,
sheetal ek talaiyaa hai,
usakaa thoḌaa paanee peekar,
pashchim ko muḌ jaaoo(n)gee,
phir vaapas naa aaoo(n)gee,
lekin parvat yaheen rahegaa,
mere saare sangee saathee,
patte shaakhen aur gilaharee,
miTTee kee yah sondhee khushaboo,
chhoḌ jaaoo(n)gee apane peechhe ....,
kyon n is oo(n)che parvat ko,
apane saath uḌaa le jaaoo(n).

aur chonch men miTTee bharakar,
thoḌee door uḌee phir vaapas,
aa Teele par baiTh gaee ......
ham bhee uḌane kee chaahat men,
kitanaa kuchh taj aae hain,
yaadon kee miTTee se aakhir,
kab tak dil bahalaae(n)ge,
vah din aaegaa jab vaapas,
phir parvat ko jaae(n)ge,
aabaadee se door,
ghane sannaaTe men.
- Abhinav Shukla
Abhinav Shukla
Email : abhinav.shukla@rediffma
Abhinav Shukla
Email :
abhinav.shukla@rediffma
Topic:
Expat (3)

***
Donate
A peaceful house of the beauty and solace of Hindi poetry, free from the noise of advertisements... to keep Kaavyaalaya like this, please donate.

₹ 500
₹ 250
Another Amount
This Month :
'Kuchh Prem Kavitaayein'
Pradeep Shukla


1.
prem kavitaa, kahaaniyaa(n) aur ph़ilmen
jahaa(n) tak le jaa sakatee hain
main gayaa hoo(n) usake paar
kaee baar.
ik ajeeb-see bechainee hotee hai vahaa(n)
jee karataa hai thaam loo(n) koee cheej
koee haath, koee sahaaraa.
main Tik naheen paataa vahaa(n) der tak.

suno,
abase
..

Read and listen here...
This Month :
'Swatantrataa Kaa Deepak'
Gopalsingh Nepali


ghor andhakaar ho, chal rahee bayaar ho,
aaj dvaar dvaar par yah diyaa bujhe naheen.
yah nisheeth kaa diyaa laa rahaa vihaan hai.

shakti kaa diyaa huaa, shakti ko diyaa huaa,
bhakti se diyaa huaa, yah svatantrataadiyaa,
ruk rahee n naav ho, zor kaa bahaav ho,
      aaj gangadhaar par yah diyaa bujhe naheen!
      yah svadesh kaa diyaa praaN ke samaan hai!
..

Read more here...
This Month :
'Yuddh Kee Vibheeshikaa'
Gajendra Singh


yuddh agar anivaary hai socho samaraangaN kaa kyaa hogaa?
aise hee chalataa rahaa samar to naee phasal kaa kyaa hogaa?

har or dhue(n) ke baadal hain, har or aag ye phailee hai.
bachapan kee aa(n)khen bhayaakraant, khaNDahar ghar, dharatee mailee hai.
chhaayaa nabh men kaalaa patajhaḌ, kho gayaa kahaa(n) neelaa manjar?
jharanon kaa gaanaa thaa kal tak, par aaj maut kee railee hai.

kilakaaree bharate ..

Read and listen here...
random post | poem sections: shilaadhaar yugavaaNee nav-kusum kaavya-setu | pratidhwani | kaavya-lekh
contact us | about us
Donate

a  MANASKRITI  website